光波羊膝



烤羊膝




醃料

托同事在梁九記買了平價羊膝,三十幾蚊一磅真係好抵,兩隻加埋都只不過八十蚊有找. 以前幫襯開長沙灣一間高級凍肉店,要五十幾蚊一磅,以後要轉去梁九記啦!

材料:
羊膝

醃料:
用了上圖醃料,再加入迷迭香及黑椒

做法:
羊膝用小刀清去表面肥膏,用廚紙抹乾水份,加入醃料醃約三小時.
光波爐注入熱水,以200度預熱十分鐘.
於羊膝表面掃一層橄欖油,用抵架及加高圈,以250度光三分鐘.
反轉以250度光三分鐘,轉180度光三十分鐘,反轉再以180度光三十分鐘.
取出用錫紙蓋住焗十分鐘即可.

註:羊膝肉厚,所以共光了六十六分鐘,係全熟,但肉質好滑,一D都唔會柴皮,如想食生D可減少光波時間.