大棧罐裝鮑魚

手震了!

的確係即開即食

就係依款,比較硬

近年買過兩款罐裝鮑魚,一款係蠔皇炆鮮鮑,另一款係蠔皇炆乾鮑,兩款都係一罐有10-12隻,即係好細隻,$120一罐. 雖然已照足指示加熱,但依然覺得過硬. 相比曾經買過阿一出品的(二佰幾蚊得6隻),真係一分錢一分貨.
再早幾年,買過幾次盞記蘋果鮑魚,一罐有1.5隻,大大隻,但總係唔夠淋身.
聖誕節前要買禮物,經過大棧,入去同店員吹下水,佢話佢地D罐頭鮑魚真係即開即食,一定唔會硬,見佢做緊特價,心思思買左$399/三罐試下,全名係紐西蘭1.5頭罐裝鮑魚.
就照佢咁講,無需預先處理 (即係原罐烚30-60分鐘果類),開罐即切,確係淋身,淋到鮑魚邊大力少少已經爛左,好在其他位置軟硬適中,整體算唔錯.
睇過好多罐裝鮑魚的成份都有好多增味劑或者化學名稱用品,咁即係唔得原汁原味,將隻鮑魚烚到無哂味,再加返增味劑同鬆肉劑,又變返一隻美味有口感的鮑魚,都幾環保. 總括以上說法,都係食鮮鮑穩陣D. 不過,可能我諗多左...........