鮮茄龍蝦蝴蝶粉

鮮茄龍蝦蝴蝶粉

龍蝦似在伸懶腰 :P

話就話XL,但拆肉後只得一小碗

勉強夠兩個人食

無花果巴馬火腿生菜沙律

759買左熟龍蝦,話就話XL,外型亦好大隻,但拆肉之後只得一小碗. 龍蝦殼就有一大碗,唔好浪費,用殼煮左個湯底,加入蕃茄同洋蔥,好鮮!
759熟龍蝦口碑彈多過讚,又話肉霉又話肉"UN",其實如果適當處理,都唔係差到貼錢都唔要囉!

材料:
759急凍熟龍蝦(XL) 1隻
蕃茄 3個:切角
洋蔥 1個:切絲
蒜蓉 適量
蝴蝶粉

做法:
龍蝦提早一天放雪櫃下層解凍,取出原殼用水沖數分鐘,放在碟上將其拆肉,拆肉時龍蝦會有水份滲出,可留下煮湯用.
熱鑊下油,下蒜蓉及龍蝦殼炒一陣,加入龍蝦水及清水煮細三十分鐘,隔出水份成龍蝦湯.

小鍋煮滾一煲水,下鹽及蝴蝶粉,加蓋煮滾後熄火焗三十分鐘,瀝乾.

熱鍋下油,下蕃茄及洋蔥炒香,加入龍蝦湯煮十分鐘,以鹽調味,下蝴蝶粉煮至汁稠,最後加入龍蝦肉,待滾要即時熄火,可上碟.