聯和墟:泰潮

紅咖喱牛腩大包

 點解抽起條筋食泰菜?皆因尋晚與同事去花墟買盆栽,買完在花園街對面搵食,間間都滿座,有D仲要等位,見有間食泰越菜餐廳有位,就走左入去. 三個人叫左青咖喱豬肉,糯米釀雞翼(餐廳是日推介),原個菠蘿炒飯及蒜蓉包,埋單三佰一拾個大洋,平貴與否就見人見志,不過唔好食就幾平都唔抵食.
先講青咖喱豬肉,用湯碗盛載,整碗都是咖喱湯,用湯來形容最貼切,而裡面只有十數片豬肉,幾件彩椒,幾片檸檬葉及幾片金不換,每碗過百元.
再講餐廳是日推介:糯米釀雞翼,雞翼炸至乾硬,釀在內的糯米都一樣硬,而且無味,很難想像是餐廳的推介,八十八元兩隻,真係貴到無朋友.
最正常算是原個菠蘿炒飯和蒜蓉包,因為這個真的無難度.
為補償尋晚的不足,今晚特意去了聯和墟的泰潮,食完覺得好滿足.
三個人點了四樣食物:
海鮮炒金邊粉-無影相,這個無難度,所以好食是正常的.
紅咖喱牛腩大包-包又大又脆,內裡有牛腩,矮瓜,豆角,菠蘿同蕃茄,餡料多到滿瀉,豐富啊!
香草燒豬仔骨-香草味和咸味剛好,豬仔骨燒得香口,配上辣味魚露,我覺得沾上魚露反而過咸.
泰式海南雞飯-雞油飯好味,雞肉配上甜酸辣汁,好醒胃.
埋單只是二百九十蚊,抵食又好食!

食了半個仍有很多餡料,九十幾蚊真係超值.

燒豬仔骨好香口

配海南雞飯的甜酸辣汁好醒胃