涼拌老奀茄



貪平,在百佳買了一札皺皮茄子

兒時唔鍾意食矮瓜,因為成日食到"利鞋",媽媽就會話矮瓜唔夠油就會利鞋,所以煮親都會落多少少油. 直到近年興用矮瓜做涼拌,有時唔落油都唔覺"利鞋",原因係.........
我覺得只是種類問題,等於菠菜一樣,又話要落糖就唔會"鞋",但做涼拌都無落糖啦,又唔覺鞋.
因為貪平,買左百佳$5.90一札的皺皮幼茄子,又令我感受到久別重逢的利鞋感覺,又一引証係種別的問題,同街市12蚊一斤又甜又滑真係差得太遠,以後要識揀了.

涼拌茄子做法:
茄子切成條狀,因為是幼長茄子,只蒸五分鐘就可以了,如果是平時較粗大的,就算切成條狀也要多蒸五分鐘.

涼拌醬汁:
花生醬 + 豉油 + 糖 + 醋 + 水 (成份為1:1,或可自行試味)



近期見到這種又長又幼的茄子,十二蚊斤,貴啊!

用花生醬做了個醬汁