動L:黃立倉

近期超市有好多急凍魚賣,有黃花,黃立倉,石斑仔等等. 同事食過黃花魚,佢話好"星",石斑仔就好好食,但我對石斑仔始終有保留,因為曾經在魚檔買過類似石斑仔,魚皮UN到無朋友.
在百佳買過兩次黃立倉都覺得好食同抵食,$18.90/條,肉厚味鮮,完全唔覺得急凍魚,而且聞說蒸熟魚後,魚旗企楝楝的就表示條魚好新鮮,原來凍魚都有依個效果,真神奇!

材料及做法:
急凍黃立倉解凍後瀝乾水.
用韓式甜醃料(用麵豉醬也可),薑,豉油,糖,油及生粉,拌勻後搽於魚的內外,碟底墊蔥段,大火蒸十分鐘即成.

蒸過兩次都係用十分鐘,其實只是緊緊熟,可能魚身厚肉,所以十幾蚊一條咁多肉的魚真係超抵食.

就是這樽韓甜醬料

魚旗企直直,新鮮?