非洲豬軟骨

非洲豬軟骨

睇肥媽煮"食送"真係好,化煩為簡,最合我心意.  見佳寶十二蚊1磅豬軟骨,買左兩磅煮大煲非洲骨.

材料:
豬軟骨,薯仔,甘荀,乾蔥頭,洋蔥,辣椒,乾迷迭香,椰絲,花生醬,淡忌廉

調味:
老抽,酒,茄汁,黑胡椒,鹽.

做法:
先用迷迭香,黑胡椒及老抽醃豬軟骨約一小時.
薯仔,甘荀切角.  乾蔥頭及辣椒切碎, 洋蔥切件.
熱鑊下少少油,煎香豬軟骨盛起備用.
原鑊下油爆香乾蔥頭,洋蔥及辣椒,再下酒及迷迭香,注入清水.煮滾後加入豬軟骨,以慢火炆三十分鐘,下甘荀炆十分鐘,再下薯仔炆十分鐘,加入花生醬,椰絲,老抽,茄汁煮至汁杰,下鹽調味,熄火後加入淡忌廉即成.




醃料及調味

熄火後加入淡忌廉

惹味!

隔餐食仲入味