鮮奶黃耳糖水

帶點桂花香味的鮮奶黃耳糖水

浸了一晚,發大了幾倍

聞說黃耳好有益,其好處比美花膠,好想買來煲湯或做甜品,去"樓上"見到半斤都要176.00,感得幾貴,但最終都是買了.
取其八份一,浸泡開已一大鍋了,今次只用上一半,另一半放入冰櫃冷藏,以浸泡的倍數來計,這價錢亦可接受.
本來打算做燉品,懶之過,就用浸泡了的黃耳加入冰糖及水份,煲好後撞入鮮奶即可.
不過,原來黃耳膠質極重,煲了一陣,連冰糖都未溶,就開始乾水,唯有加水再煲,一陣又乾水,結果煲至糖溶時,已變成糊狀,要加入較多鮮奶先得, 亦可能鮮奶太多,食完覺得好"漏". 下次要試凍食.
食味:似食緊有桂花味的雪蛤膏.