西餐:信任

我份人一向都會自我檢討,所以我知自己疑心重,有少少風吹草動都可以諗哂成個故事出嚟,好多時都會比我估中.  同事成日同我講,我太醒,如果我係佢老婆就麻煩囉!  係讚定係彈? 要自己諗吓啦!
對於我關心嘅人,我更加多猜疑,阿仔遲咗返屋企,或者見佢眼神有D閃縮,我就覺得佢講緊大話,個心就會好忐忑,好想去求証.  同朋友傾開管教仔女嘅問題,朋友都話我點解咁唔信個仔,但有時有D蛛絲馬跡令我又起疑心.  近日又有一件事令我起疑心,但當求証後先知自己諗多咗,好彩阿仔唔知道.  將心比己,如果你身邊最親嘅人,佢成日都唔信任你,你會有幾傷心呢?


光波豬仔骨併蕃茄
忌廉薯蓉
涼拌韓國粉絲

光波豬仔骨併蕃茄

忌廉薯蓉

涼拌粉絲

加陳醋,豉油,糖,花椒油及麻油撈成

好味道!