三餸一湯:痛

轉天氣?感冒未清?熱氣? 好似樣樣都齊, 骨痛咗一個星期,今次痛到隻手遞唔起,痛到瞓唔到,痛到搓唔到包包,痛到有兩日煮唔到飯,痛到無心機寫BLOG,好慘呀! 最初睇中醫係因為感冒,食咗兩劑無乜好轉,但條頸扯住痛,同個醫師講, 佢話食咗依劑就唔會痛.  食完葯後,感冒好似重咗,D骨一樣咁痛,第二日去覆診,佢老人家話唔知我有感冒喎,好彩佢助手都記得我講過啫,跟住又開咗劑感冒葯比我,我食完之後依然無好轉,頭尾數埋四劑葯,條頸痛足一個星期,痛到自己唔再痛,感冒依然無好過. 近兩次睇依個中醫都唔係好WORK,唔通佢老咗?係時候要另覓高人啦!

薰蹄
魚蛋炒青瓜
茶葉蛋
蕃茄薯仔肉碎湯





今次煲咗兩個鐘,太淋啦! 下次煲個半鐘就啱啱好.

 


早幾日用咸豬手煲湯,煲咗兩個鐘,去骨後用保鮮紙包住




再加多層保鮮紙包實,令其定型,雪凍後切片,味道同薰蹄差唔多.




魚蛋炒青瓜




同事送的茶葉蛋