低溫發酵:榨菜肉絲餐包

 某日,食剩咗少少榨菜肉絲,放咗入冰櫃,當唔知造咩包包嘅時候,就用咗佢嚟做饀料,原來都幾好味道.

材料: 五個小包
高筋 (韓粉) 200g
快速酵母 0.5茶匙
糖 1.5湯匙
鹽 0.5茶匙
橄欖油 1.5湯匙
水 120g

饀料:
榨菜肉絲
蛋漿掃面

做法:
將所有材料撈勻, 搓至不黏手及可拉出筋為止, 用密實盒蓋好, 放入雪櫃最少雪17小時作第一次發酵. 從雪櫃取出回溫後, 排氣分割滾圓, 靜待10分鐘開始造型, 造型後於包包表面噴上少少水, 確保包包能保持濕潤, 用濕布或保鮮紙蓋面, 於室溫作最後發酵. 包包發酵至約兩倍大, 於表面掃上蛋漿, 以200度預熱光波爐10分鐘, 用低架及加高圈, 以160度光17分鐘.

兩餸一湯:中學開家長會好奇咩?

早兩日阿仔學校開家長會,主要講解下揀大學嘅資料同流程.  同事知道後就好大反應咁話:有冇提錯呀,出年都讀大學啦,咁大個人仲要開家長會? 以前我唔理個囡咖,我連家長會都唔去添!  首先,你個囡成績咁好,你唔理都大把大學要啦!再者你咁有錢,香港讀唔到就出國囉! 同埋你個囡已經係10年有多嘅事,同而家跟本唔同,我真係唔相信你無參與過你個囡學校嘅家長會囉!有時有D嘢你唔出聲就算,做咩講到我去開家長會好似好多餘又好抵B咁呢?





肉碎炒豆角

自家製PIZZA

10吋批底材料:
高筋(韓粉)  200g
快速依士 0.5茶匙
鹽 1茶匙
糖 1茶匙
橄欖油 1.5湯匙
水份 125ml

饀料:
蕃茄醬,芝士腸,菠蘿,粟米,芝士,黑胡椒,香草乾

做法:
將所有材料撈好, 搓至不黏手及可拉出筋為止. 將麵糰放進微波爐, 把門關上進行首發. 待麵糰漲大至兩倍, 需時大約一個鐘, 視乎氣溫而定. 將麵糰排氣後可造型. 造型後用叉於批底拮小孔及掃上橄欖油.  以200度預熱光波爐10分鐘. 用底架以210度光5分鐘.  將批底取出,先在批底掃一層蕃茄醬,然後放上芝士,跟住放上其餘饀料,灑上黑胡椒及香草乾,表面再放上芝士. 用低架及加高圈, 以210度光15分鐘.



 


剛搓好的麵糰

是日晚餐

梅子蒸排骨

支竹魚腐煮節瓜

蕃茄薯仔三文魚骨湯

兩餸一湯:曼城遭黑!

曼城今年嘅甩漏,除咗証明金賓尼嘅重要外,大多數都係拜袓赫特所賜,其抵級錯失簡直係世界級,我要替英超四強多謝"遭黑"!






洋葱糖醋骨

是日晚餐

開飯喇!

值接法:芝麻芝士腸包及芝麻小法包

尋日都係要幫襯麵包店,今次叫同事幫我去泰昌買,瑞士卷$10/條,甜包仔5/5個,好食又抵食.

材料: (2大4小) 

高筋 (韓粉) 400g
快速依士 1茶匙

鹽 1茶匙

糖 4湯匙

橄欖油 3湯匙

黑芝麻粉 4湯匙

水 250ml

饀料:芝士腸

橄欖油掃面

做法:

將所有材料撈好, 搓至不黏手及可拉出筋為止. 將麵糰放進微波爐, 把門關上進行首發. 待麵糰漲大至兩倍, 需時大約一個鐘, 視乎氣溫而定. 將麵糰排氣, 分割, 滾圓靜待10分鐘可造型. 造型後於包包面噴少少水, 以保持包包濕潤. 放回微波爐約40分鐘作二發至兩倍大即可入爐. 入爐前掃上一層橄欖油. 以200度預熱光波爐10分鐘. 用低架及加高圈, 小包以200度光15分鐘.  大包以160度光20分鐘即可.

芝士腸大包出爐

 

西餐:信任

我份人一向都會自我檢討,所以我知自己疑心重,有少少風吹草動都可以諗哂成個故事出嚟,好多時都會比我估中.  同事成日同我講,我太醒,如果我係佢老婆就麻煩囉!  係讚定係彈? 要自己諗吓啦!
對於我關心嘅人,我更加多猜疑,阿仔遲咗返屋企,或者見佢眼神有D閃縮,我就覺得佢講緊大話,個心就會好忐忑,好想去求証.  同朋友傾開管教仔女嘅問題,朋友都話我點解咁唔信個仔,但有時有D蛛絲馬跡令我又起疑心.  近日又有一件事令我起疑心,但當求証後先知自己諗多咗,好彩阿仔唔知道.  將心比己,如果你身邊最親嘅人,佢成日都唔信任你,你會有幾傷心呢?


光波豬仔骨併蕃茄
忌廉薯蓉
涼拌韓國粉絲

光波豬仔骨併蕃茄

直接法:咖啡提子條

今個星期無搓包包,有日去咗全新蒲崗最高級嘅麵包店買咗一個香草包, 睇過佢D包包都幾靚,平均都貴過其他店,但唔算乸脷,$4.5/大大個橄欖油香草包,攞到上手先知衰,因為衡量過佢嘅體積,我相信如果有嚿綿花同依個包一樣大嘅話,嚿綿花會重過個包,笨一次囉.  原來咬一口之後仲有睇頭, 竟然好似洩氣皮球咁,變咗張麵包紙,只用咗四啖就食哂,食完都唔覺有嘢落肚,好彩杯咖啡都頂得下肚啫,都係自家製抵食好多!
以下都係早前嘅存貨,到今日為止我隻手依然痛,所以都係搓唔到包包.

材料: (4個小型包)

高筋(韓粉) 200g
快速酵母 0.5茶匙
糖 1.5湯匙
鹽 0.5茶匙
橄欖油 1.5湯匙
三合一咖啡粉 1包
水 120ml

饀料:
提子乾

做法:

將所有材料撈勻, 搓至不黏手及可拉出筋為止, 用濕布蓋面於室溫約一小時進行一發,麵糰發至約兩倍大,排氣分割滾圓, 靜待10分鐘開始造型, 造型後於包包表面噴上少少水, 確保包包能保持濕潤, 用濕布或保鮮紙蓋面, 於室溫作最後發酵. 包包發酵至約兩倍大後可入爐, 以200度預熱光波爐10分鐘, 用低架及加高圈, 以160度光17分鐘.

 



出爐翌日

是日晚餐

榨菜肉絲

咸腩肉蓮藕炒椰菜

兩餸一湯:點解要玩針對?

睇咗頭條新聞多年,近年有個"忿青"日日都喺娛樂版發功. 經佢寫過嘅人仕,多數都比佢尖酸刻薄嘅言論插得體無完膚.  而首當其衝嘅就係TVB,無論係藝員或者劇集,都比佢鬧勻.  連近期政府唔發牌比"香港電視"都入埋TVB數, 日日係咁鬧,但又唔見佢鬧下亞視噃,真係奇怪,亦覺得佢相當可憐,既然佢咁憎無記,做咩要晚晚睇,佢應該轉台睇亞視或者上網睇佢想睇嘅嘢. 諗深一層,日日齋鬧TVB都無比老總BANG,佢D稿費都好易賺.

洋葱豉油皇雞翼
老少平安
咸火腿瘦肉冬瓜湯




豉油皇雞翼



直接法:優格車打芝士包及紅莓包

條頸痛咗一個星期,扯住條筋,攪到膊頭好痛,痛到連手都遞唔起,所以成個星期無搓過粉,依D只係較早前嘅存貨. 今個星期幫襯咗麵包店三日,個個包輕到好似綿花球咁,兼無口感,價錢又唔平,越食越激氣! 比較之下,發覺原來自家製真係無得頂.

材料: (8個小型包)

高筋(韓粉) 400g
快速酵母 1茶匙
糖 3湯匙
鹽 1茶匙
橄欖油 3湯匙
水份 + 原味乳酪 270ml

饀料:
高溶點芝士
紅莓乾


做法:
將所有材料撈勻, 搓至不黏手及可拉出筋為止, 用濕布蓋面於室溫約一小時進行一發,麵糰發至約兩倍大,排氣分割滾圓, 靜待10分鐘開始造型, 造型後於包包表面噴上少少水, 確保包包能保持濕潤, 用濕布或保鮮紙蓋面, 於室溫作最後發酵. 包包發酵至約兩倍大後可入爐, 以200度預熱光波爐10分鐘, 用低架及加高圈, 以160度光17分鐘.

出爐翌日

All Carlos Tevez league goals 2007/2008

三餸一湯:痛

轉天氣?感冒未清?熱氣? 好似樣樣都齊, 骨痛咗一個星期,今次痛到隻手遞唔起,痛到瞓唔到,痛到搓唔到包包,痛到有兩日煮唔到飯,痛到無心機寫BLOG,好慘呀! 最初睇中醫係因為感冒,食咗兩劑無乜好轉,但條頸扯住痛,同個醫師講, 佢話食咗依劑就唔會痛.  食完葯後,感冒好似重咗,D骨一樣咁痛,第二日去覆診,佢老人家話唔知我有感冒喎,好彩佢助手都記得我講過啫,跟住又開咗劑感冒葯比我,我食完之後依然無好轉,頭尾數埋四劑葯,條頸痛足一個星期,痛到自己唔再痛,感冒依然無好過. 近兩次睇依個中醫都唔係好WORK,唔通佢老咗?係時候要另覓高人啦!

薰蹄
魚蛋炒青瓜
茶葉蛋
蕃茄薯仔肉碎湯





今次煲咗兩個鐘,太淋啦! 下次煲個半鐘就啱啱好.

是日晚餐

蕃茄煮蛋

咸腩肉炒藕片

節瓜肉片湯

是日晚餐

香煎紅"魚由"

隔夜洋蔥雞

淥菜芯









是日晚餐

洋蔥爆拜神雞

炒西蘭花

栗子紅蘿蔔豬尾骨湯

炒飯+滾湯

菠蘿芝士腸炒飯

杞子娃娃菜肉碎湯

冷藏麵糰及低溫發酵:沙律肉鬆包

材料: (5個小型包)

高筋(韓粉) 200g
快速酵母 0.5茶匙
糖 1.5湯匙
鹽 0.5茶匙
橄欖油 1.5湯匙
水 120g
蛋漿掃面

饀料:
肉鬆,沙律醬


做法:
將所有材料撈勻, 搓至不黏手及可拉出筋為止, 用保鮮袋緊封麵糰,再用膠袋包好,放入冰格冷藏.  我試過最多雪咗一個星期.  造包前提早兩天將麵糰轉放入密實盒蓋好, 放入雪櫃作第一次發酵. 從雪櫃取出回溫後, 排氣分割滾圓, 靜待10分鐘開始造型, 造型後於包包表面噴上少少水, 確保包包能保持濕潤, 用濕布或保鮮紙蓋面, 於室溫作最後發酵. 包包發酵至約兩倍大, 於表面掃上蛋漿後可入爐, 以200度預熱光波爐10分鐘, 用低架及加高圈, 以160度光17分鐘






出爐

是日晚餐

煎蛋加隔了兩夜的菠蘿甜酸骨

隔夜雞翼

蕃茄冬瓜肉碎湯,這是新鮮的!

星級碟頭飯:粟米咸牛脷飯

公司大陸老廠長一個月前話要退休,其實佢叫咗幾年退休,今次終於如願以償, 不過今日無啦啦返咗廠,好似以前咁照睇生產照做嘢,咁即係一聲不響復工嗎? 唔通之前叫哂要退休又係想玩嘢? 可能佢估唔到老細今次肯比佢退休,而家扭計不成,唯有自己復工.  好想知道老細今次點同佢玩.  不過,以老細嘅性格,次次都衰心軟,尤其對女性佢都惡唔出樣,都係會比個老女人食著.






阿仔的

是日晚餐

香芧雞翼

是日晚餐

菠蘿甜酸骨

西餐:烤鴨

烤鴨出爐

廿幾蚊買隻冰鴨,花少少功夫做個MAIN COURSE,再加埋烤魚,沙律同自家制麵包,唔洗一百蚊就可享用一頓豐富的西餐.

冷藏麵糰及低溫發酵:肥腸包

材料: (5個小型包)

高筋(韓粉) 200g
快速酵母 0.5茶匙
糖 1.5湯匙
鹽 0.5茶匙
橄欖油 1.5湯匙
水 120g
蛋漿掃面

饀料:
慕尼黑白腸


做法:
將所有材料撈勻, 搓至不黏手及可拉出筋為止, 用保鮮袋緊封麵糰,再用膠袋包好,放入冰格冷藏.  我試過最多雪咗一個星期.  造包前提早兩天將麵糰轉放入密實盒蓋好, 放入雪櫃作第一次發酵. 從雪櫃取出回溫後, 排氣分割滾圓, 靜待10分鐘開始造型, 造型後於包包表面噴上少少水, 確保包包能保持濕潤, 用濕布或保鮮紙蓋面, 於室溫作最後發酵. 包包發酵至約兩倍大, 於表面掃上蛋漿後可入爐, 以200度預熱光波爐10分鐘, 用低架及加高圈, 以160度光17分鐘





出爐

 

兩餸一湯:學界失落金牌

學界完咗,阿仔今年只得一銀一銅,係中學階段最差嘅成績,我估佢會有少少遺憾,因為今年係最後一年.  我常說,要嬴人先要嬴自己,佢游唔返自己嘅BEST TIME,所以輸咗都無得怨. 而家寄望佢收心養性,將多D時間放返喺學業上,認真對代未來嘅考試.  要喺游水度再創佳績就要等DSE之後.

甜椒炒咸肉
香煎三文魚骨腩
紅青蘿蔔湯
  




甜椒炒咸肉

 

是日晚餐

 

三色蛋蒸豆腐

 

青椒炒雞柳



肉碎節瓜湯

是晚簡餐

鮮茄蘑菇意粉併芝士腸及慕尼黑白腸

值接法:芝士火腿包

材料: (5個小型包)

高筋(韓粉) 200g
快速酵母 0.5茶匙
糖 1.5湯匙
鹽 0.5茶匙
橄欖油 1.5湯匙
水 120g
蛋漿掃面

饀料:
火腿,芝士灑面


做法:
將所有材料撈勻, 搓至不黏手及可拉出筋為止, 用濕布蓋面於室溫約一小時進行一發,麵糰發至約兩倍大,排氣分割滾圓, 靜待10分鐘開始造型, 造型後於包包表面噴上少少水, 確保包包能保持濕潤, 用濕布或保鮮紙蓋面, 於室溫作最後發酵. 包包發酵至約兩倍大, 於表面掃上蛋漿,灑上芝士後可入爐, 以200度預熱光波爐10分鐘, 用低架及加高圈, 以160度光17分鐘.





出爐翌日

 

兩餸一湯:老公份工好危

落地喊三聲,好醜命生成.  我一向唔信命理,知道人生起跌無常,而我每遇到的都只屬小兒科,不過間中都會呻下,呻完又開心返.  笑一笑,世界更美妙........
政府開始強制更換柴油車,對運輸業真係影響好大,老公話佢老細計唔掂條數,可能執咗佢就算,咁即係老公份工危危乎啦!  兩公婆一向搵得唔多,不過我哋好保守,唔炒樓唔換屋,慳慳哋都夠用.  奶奶走咗少咗一D負擔,不過老豆果邊就越來越洗得錢多,加上大佬唔生性,變相老豆要我一力承擔,自己條數計極都唔掂,好彩早幾個月老公同我都加咗人工,手頭可以鬆D,但如果老公無咗份工就真係好大鑊,以我哋咁嘅年紀,以我哋咁嘅學歷,想再搵過份工真係好難,到時真係唔知點算?

豉油雞
粉絲魚鬆煮翠玉瓜
青紅蘿蔔豬尾骨湯




自己煮嘅豉油雞永遠好味過燒味店果D,仲有豉油汁撈飯,正!

冷藏麵糰及低溫發酵:小餐包

又要返工,又要煮飯,仲要搓包包,其實都幾忙.  所以成日諗埋D慳功夫嘅方法,最常用係低溫發酵,第一晚搓,第二晚造型同焗,有時造型後放返入雪櫃,到第三晚先焗,都係為咗慳時間.  今次試下再懶D,星期日搓多D粉,分開兩包放入冰格冷藏,但要預早兩日放回雪櫃普通格回溫兼發酵.  其實我估直接由冰格取出,放室溫解凍加發酵都得,但可能要等好埋,倒不如自己預計好時間,放喺雪櫃等嚿麵糰慢慢解凍,慢慢發酵好過.  今次試驗成功!

材料: (5個小型包)

高筋(韓粉) 200g
快速酵母 0.5茶匙
糖 1.5湯匙
鹽 0.5茶匙
橄欖油 1.5湯匙
水 120g
蛋漿掃面

饀料:
烚蛋,沙律醬


做法:
將所有材料撈勻, 搓至不黏手及可拉出筋為止, 用保鮮袋緊封麵糰,再用膠袋包好,放入冰格冷藏.  我試過最多雪咗一個星期.  造包前提早兩天將麵糰轉放入密實盒蓋好, 放入雪櫃作第一次發酵. 從雪櫃取出回溫後, 排氣分割滾圓, 靜待10分鐘開始造型, 造型後於包包表面噴上少少水, 確保包包能保持濕潤, 用濕布或保鮮紙蓋面, 於室溫作最後發酵. 包包發酵至約兩倍大, 於表面掃上蛋漿後可入爐, 以200度預熱光波爐10分鐘, 用低架及加高圈, 以160度光17分鐘.




沙律蛋包

 

是日晚餐

鹽焗雞粉蒸排骨

涼拌茄子

簡單晚餐:金牌擦身而過

今年係阿仔最後一年游學界,近幾年學界比賽,年年都有金牌,可惜今年為止只得一面銀牌, 其實佢今年都游唔返上年嘅BEST TIME, 所以輸比人係正常嘅,希望決賽最少攞返一面金牌,喺中學階段有一個完美嘅結局.

鴨胸辦麵





材料有洋葱,脆玉瓜,鴨胸.

 

低溫發酵:沙律肉鬆包

材料: (5個小型包)

高筋(韓粉) 200g
快速酵母 0.5茶匙
糖 1.5湯匙
鹽 0.5茶匙
橄欖油 1.5湯匙
水 120g

饀料:
肉鬆,沙律醬


做法:
將所有材料撈勻, 搓至不黏手及可拉出筋為止, 用密實盒蓋好, 放入雪櫃最少雪17小時作第一次發酵. 從雪櫃取出回溫後, 排氣分割滾圓, 靜待10分鐘開始造型, 造型後於包包表面噴上少少水, 確保包包能保持濕潤, 用濕布或保鮮紙蓋面, 於室溫作最後發酵. 包包發酵至約兩倍大, 於表面掃上水份及灑上芝士, 以200度預熱光波爐10分鐘, 用低架及加高圈, 以160度光17分鐘.



出爐翌日