朋友生日@又一棧

連加一茶芥,九百三十元埋單.

朋友生日,由六月約到七月,終於成事,搵食要平靚正真係好頭痛,好彩今次比錢果三位都無反對主角的提議,咁就順利通過.
今次叫了VISA CARD指定特價套餐,足四人份量,個個靚女胃口細,結果又食又拎. 整體來說是OK的,美中不足是包片皮鴨的"摩摩"又UN又硬,包左一塊已經無再包. 近年食肆都以健康為主,所以樣樣都較淡味,朋友唔多慣. 
食完飯當然要影下合照,朋友帶了有腳架的自拍器,又要即時下載去手機先可以用,攪完一輪都係攪唔掂,四個傻婆喪笑一輪,終於影到,可惜張張都矇渣渣,原來用左前置鏡頭影,好失敗,但好好笑. 老友就係咁,就算無見幾個月,一聚頭就高興得忘形,真失禮!

冬蓉羹,好多料,可惜味過淡.

  

片皮鴨不過不失,但"摩摩"又UN又硬.



主角送上朱古力餅做回禮