眨眼又到中秋, 舊年因為奶奶走咗, 所以無返娘家做節, 原來因為我唔返去做節, 咁就無人買月餅比老豆, 又無人同老豆食飯, 乜原來我咁大影响力? 今年又點呢! 老豆問咗幾次對方都之吾以對,結果老豆話不如取消算數, 對方一句OK, 乾淨利落. 做女嘅要做返做女嘅嘢, 節一定要同老人家食飯, 月餅一定要送, 其餘嘅嘢我真係唔想知咁多, 越知得多越激氣. 不過老豆可能驚激我唔死, 話比我聽人哋老婆去完台灣又去日本旅行....., 我好想同老豆講: 係呀!人哋有錢去旅行,有錢養車,不過淨係無錢養老豆啫. 跟住老豆又再講咗句, 總之我同你都係受害者啦! 我又好想駁返老豆: 你個仔咁無責任心都係你一手做成, 最終受害者只得我一個啫! 不過以上兩句我都唔敢講出口, 費事再激親佢啦!
炒粒粒
香茅豬頸肉
蕃茄椰菜肉片湯
 |
| 炒粒粒 |
沒有留言:
張貼留言