簡單晚餐:散沙

公司大陸廠長今年已經七十幾歲,但佢處事相當有一手,一聲令下明明無期都嘔到D貨出嚟,所以老細一向好尊重佢老人家. 打從數年前開始,佢不下10次請辭,都比老細留住,今年又再請辭,老細唔想佢老人家咁辛苦,今次終於SAY YES. 點知老廠長轉頭同人呻,話做咗十幾年無功都有勞,點解一句都唔留就比佢走. 聽完之後笑咗,七十幾歲好應該享下清褔,老細都係體諒佢先比佢辭職,再講以老細一向出手闊綽,我估果筆退休金都幾融下囉.
廠長走咗,以為會由邊個去管,原來老細話佢去管廠,我又笑咗. 以老細嘅性格,一星期頂多返去一次,仲要即日來回,上面班人仲唔作反咩! 以前廠長放大假嘅時候,打電話上廠就會無人聽,而家更甚,無論老細同員工都係一盤散沙,不如執咗佢好過啦!



白汁火腿意粉