三餸一湯:老公把呎...........

老公今朝打電話嚟公司,話老四叫上深圳食大閘蟹.  不過老公仲要戒口,我又唔敢食太多,所以唔多想去. 始終黃金週,無謂同人逼啦! 而且老公成日掛喺咀邊果句係要比多D時間個仔溫書,既然係咁,做咩要即日來回就係為咗餐無主題嘅飯局呢? 要我留返阿仔喺屋企我又唔想,放假應該一家人一齊,唔通我哋大魚大肉,阿仔就要捱飯盒咩? 權宜計唯有我哋做主場啦! 即係我又要做阿四囉. 想他他條條享受下一日假期都無,唔係為咗個仔,真係咪攪我.
老公口口聲聲話要比多D時間個仔溫書,就連暑假朋友約三日兩夜大陸行都推咗,但轉個頭又話想跟老四返大陸玩,乜原來同朋友返大陸會阻住個仔溫書,但同你D細佬去玩就係另一回事,你把呎都幾奇特噃!

雞柳炒雜菜
香煎黃花魚
涼拌皮蛋
冬瓜湯






開飯

 

低溫發酵:車打芝士火腿包

材料: (5個中型包)

高筋(韓粉) 400g
快速酵母 1茶匙
糖 3湯匙
鹽 1茶匙
橄欖油 3湯匙
水 230g

饀料:
高溶點芝士,火腿


做法:
將所有材料撈勻, 搓至不黏手及可拉出筋為止, 用密實盒蓋好, 放入雪櫃最少雪17小時作第一次發酵. 從雪櫃取出回溫後, 排氣分割滾圓, 靜待15分鐘開始造型, 造型後於包包表面噴上少少水, 確保包包能保持濕潤, 用濕布或保鮮紙蓋面, 於室溫作最後發酵. 包包發酵至約兩倍大, 於表面掃上水份及介幾刀, 以200度預熱光波爐10分鐘, 用低架及加高圈, 以160度光20分鐘.







五個中型包包出爐



是日晚餐

 

蜜汁烤豬扒

是日晚餐

荷葉蒸雞

烤豬柳:PK中女怒吼婆婆

 今日搭小巴返屋企,見到有個中女大罵婆婆,睇到都激氣,不過我又怕幫口做成罵戰,所以唔敢出聲,香港人通病!

話說短途小巴大多數人都鐘意坐路邊位,方便落車. 所以到我上車時路邊位已經比人坐哂,排我前面有個婆婆,手持一個拉喼同兩袋行理,佢見無哂邊位,就揀咗司機後面個位坐,但D行理又唔知放喺邊度,唯有伸長隻手跨過中女扶住D行理. 中女即刻以高八度嘅聲線大罵:你咁放D行理叫我點坐呀! 婆婆細細聲答:唔好意思呀! 點知個中女仲繼續大罵:後面咁多位你唔坐,做咩係都要坐埋嚟! 婆婆好有禮貌咁答:後面個D邊位全部比人坐哂啦,唔好意思呀! 講完就即刻縮返扶住行理隻手. 司機一開車,D行理就轆咗去後面,其間中女完全無諗住要幫手扶住,婆婆當時好徬徨,好彩後面有人幫婆婆執返,婆婆就連聽道謝,結果婆婆喺分站落車. 而我就喺尾二個站落,但個PK依然仲未落車,咁好明顯個PK係坐到總站,既然係咁,點解佢要坐喺邊位,就算佢真係鐘意坐果個位,但見到婆婆咁狼狽都好應該幫下佢,真係無諗過唔幫都算,仲要大大聲罵人,佢究竟係咪食錯葯呀!

烤豬柳拌薯仔韮菜花配洋葱汁
西班牙咸豬手冬瓜湯
薯仔醬汁:沙律醬+乳酪芝士+煉奶






烤豬柳

提子司康

跟過好多食譜造司康都成功,唯獨今次就......

自發粉 200g
牛油 50g
鹽 1茶匙
糖 30g
雞蛋 1隻
原味乳酪 80g
提子乾 適量
鮮奶掃面

做法: 自發粉過篩,加入糖同鹽,拌入切細粒的牛油,用刀刮撈勻成麥皮狀,放入提子乾後,再加入雞蛋及乳酪,輕手攪拌後同保鮮紙包好,放入雪櫃約半小時. 以200度預熱光波爐10分鐘. 工作枱灑上乾粉,轆平麵糰,摺三摺後再轆平,重複此步驟兩次,用模具cut出餅型,掃上鮮奶,以200度光15分鐘.

食後感:又硬又實,我覺得"轆"嘅步驟有問題,因為轆完仲點會鬆呢? 一向零失敗嘅司康今次終告失敗. 唔忿氣再試多次,今次加多咗55g乳酪,但又好似太稀,結果係"我很醜,但我很溫柔",口感唔錯,只係唔見得人啫!






食譜源自CAROL老師,口感好乾同硬,唔通係我轆過麵糰? 但我係照足老師嘅做法噃!



簡單晚餐:散沙

公司大陸廠長今年已經七十幾歲,但佢處事相當有一手,一聲令下明明無期都嘔到D貨出嚟,所以老細一向好尊重佢老人家. 打從數年前開始,佢不下10次請辭,都比老細留住,今年又再請辭,老細唔想佢老人家咁辛苦,今次終於SAY YES. 點知老廠長轉頭同人呻,話做咗十幾年無功都有勞,點解一句都唔留就比佢走. 聽完之後笑咗,七十幾歲好應該享下清褔,老細都係體諒佢先比佢辭職,再講以老細一向出手闊綽,我估果筆退休金都幾融下囉.
廠長走咗,以為會由邊個去管,原來老細話佢去管廠,我又笑咗. 以老細嘅性格,一星期頂多返去一次,仲要即日來回,上面班人仲唔作反咩! 以前廠長放大假嘅時候,打電話上廠就會無人聽,而家更甚,無論老細同員工都係一盤散沙,不如執咗佢好過啦!



白汁火腿意粉



直接法:香草小法包

材料:(五個)
高筋 (韓粉) 200g
快速依士 0.5茶匙
鹽 1茶匙
麥芽糖 1湯匙 (先取成份中部份水加熱,溶麥芽糖,待涼後才用)
橄欖油 1.5湯匙
雜香草乾 1茶匙
水 125ml
橄欖油掃面


做法:
將所有材料撈好, 搓至不黏手及可拉出筋為止. 將麵糰放進微波爐, 把門關上進行首發. 待麵糰漲大至兩倍, 需時大約一個鐘, 視乎氣溫而定. 將麵糰排氣, 分割, 滾圓靜待10分鐘可造型. 造型後於包包面噴少少水, 以保持包包濕潤. 放回微波爐約40分鐘作二發至兩倍大即可入爐. 入爐前掃上一層橄欖油. 以200度預熱光波爐10分鐘. 用低架及加高圈, 以200度光17分鐘.



剛搓好的麵糰



檸檬蛋糕:失敗了!

好耐無寫BLOG,儲埋好多相,其中有較早前焗嘅檸檬蛋糕. 見BLOG友焗得好靚,又覺得好易整,雖然食譜用咗勁多牛油,都心思思試整. 結果又係蛋糕唔識彈高.

材料:
1. 牛油 70g
2. 糖 75g
3. 雞蛋 2隻
4. 自發粉 100g
5. 檸檬 1個 (榨汁及磨皮)

做法:
以200度預熱光波爐.
牛油放室溫回軟,加糖打至幼滑及淡色. 分次逐隻蛋加入打勻,打入檸檬汁及皮拌勻,再篩入自發粉,輕手拌勻後倒進模具內.
以170度光15分鐘, 於表面介一刀,再焗30分鐘即成.





牛油多到嚇C人



兩餸一湯: 我個腦比我部電腦還要快

我想死!對住依部電腦我真係想死!!
打咗幾百字,一句唔該都無就食哂佢,開返草槁又變咗白紙一張,救命呀!!!!
到此為止,我依然要痛罵YAHOO,唔係佢,我都唔洗嚟依度開BLOG. 對一個電腦白痴嚟講,要接受新環境真係好難,仲要部電腦慢到我想一嘢掟爛佢,每撳一個制都要等成分鐘先有漏豆出,跟住又要等多幾十秒先有反應,好慘呀!
本來真係無心情再繼續寫BLOG,不過有時當有口難言嘅時候, 喺度比我發洩下都好.

麥芽糖豉油皇雞翼
魚蛋炒青瓜
豆腐南瓜三文魚骨湯

炸魚蛋炒青瓜

是日晚餐:炒飯

炒飯必選:印尼米

是日晚餐

炸魚蛋炒彩椒

直接法: 芝麻西梅小法包

搓咗個麵糰先諗包咩饀料, 老公話應該配甜饀料, 我就覺得芝麻應該咸咸香香咁, 但又諗唔到用乜, 結果用咗西梅乾. 搓粉時陣陣芝麻香, 可惜爐嘅時候竟然一D味都無, 到入口直情唔覺有芝麻味, 即係味覺同嗅覺都無, 有D失望.

材料:

高筋 (韓粉) 400g
快速依士 1茶匙
鹽 1茶匙
糖 4湯匙
橄欖油 3湯匙
黑芝麻粉 3湯匙
水 250ml

饀料:西梅乾
橄欖油掃面


做法:
將所有材料撈好, 搓至不黏手及可拉出筋為止. 將麵糰放進微波爐, 把門關上進行首發. 待麵糰漲大至兩倍, 需時大約一個鐘, 視乎氣溫而定. 將麵糰排氣, 分割, 滾圓靜待10分鐘可造型. 造型後於包包面噴少少水, 以保持包包濕潤. 放回微波爐約40分鐘作二發至兩倍大即可入爐. 入爐前掃上一層橄欖油. 以200度預熱光波爐10分鐘. 用低架及加高圈, 以200度光15分鐘.

出爐

兩餸一湯:唔好再煩我啦!

眨眼又到中秋, 舊年因為奶奶走咗, 所以無返娘家做節, 原來因為我唔返去做節, 咁就無人買月餅比老豆, 又無人同老豆食飯, 乜原來我咁大影响力? 今年又點呢! 老豆問咗幾次對方都之吾以對,結果老豆話不如取消算數, 對方一句OK, 乾淨利落. 做女嘅要做返做女嘅嘢, 節一定要同老人家食飯, 月餅一定要送, 其餘嘅嘢我真係唔想知咁多, 越知得多越激氣. 不過老豆可能驚激我唔死, 話比我聽人哋老婆去完台灣又去日本旅行....., 我好想同老豆講: 係呀!人哋有錢去旅行,有錢養車,不過淨係無錢養老豆啫. 跟住老豆又再講咗句, 總之我同你都係受害者啦! 我又好想駁返老豆: 你個仔咁無責任心都係你一手做成, 最終受害者只得我一個啫! 不過以上兩句我都唔敢講出口, 費事再激親佢啦!

炒粒粒
香茅豬頸肉
蕃茄椰菜肉片湯

炒粒粒

腊腸炒飯

材料:腊腸,蛋,薑蓉,椰菜絲,蔥花

低溫發酵:奶皇包

材料: 5個
高筋 (韓粉) 200g
快速依士 0.5茶匙
鹽 0.5茶匙
糖 2湯匙
橄欖油 1.5湯匙
水 120ml
蛋漿掃面


奶皇饀材料: (完成後約半碗)
低筋 3湯匙
糖 3湯匙
吉士粉 1湯匙
牛油 1湯匙
蛋黃 1隻
熱水 80ml


做法: 用熱水溶牛油及糖, 再放入其餘材料攪拌, 隔水蒸約10分鐘, 襯熱拌勻, 待涼後可用.


麵糰做法:
將所有材料撈好, 搓至不黏手及可拉出筋為止. 將麵糰放進保鮮盒內,緊封保鮮盒,存放入雪櫃最少17小時作低溫發酵. 一發後從雪櫃取出回溫約30-60分鐘,視乎氣溫而定. 將麵糰排氣, 分割, 滾圓靜待10分鐘可造型. 造型後於包包面噴少少水, 以保持包包濕潤. 放回微波爐約40分鐘作二發至兩倍大即可入爐. 入爐前掃上一層蛋漿. 以200度預熱光波爐10分鐘. 用低架及加高圈, 以160度光17分鐘.

出爐翌日

四餸一湯: 無心機寫BLOG

開咗依個BLOG兩個星期, 好多嘢都仲未掌握到, 好似依家咁, 寫完題目應該可以跳入嚟寫內容, 但佢係都唔比我寫, 要我揀咗HTML先可以喺依度寫內容, 之後明明已分段, 但POST出嚟又唔同我分段, 咁攪法仲邊有心機寫落去呢! 而且過多一年半載都唔知會唔會好似YAHOO咁, 一句唔玩就比佢撟起哂, 唉!

依個係幾日前嘅晚餐

麻油煎紅腸
蠔油炒翠玉瓜
茶葉蛋
白切雞
赤扁豆粉葛豬尾骨湯

是日晚餐

鹽水雞翼

蜆肉煮翠玉瓜

杞子娃娃菜肉碎湯

是日晚餐



薯仔炆腩肉,雜菜湯



晚餐:快手糖醋骨



簡易糖醋骨

糖醋骨
蠔油炒西蘭花
清補涼

西餐:焗三文魚扒

焗三文魚扒配雞柳

燒彩椒沙律

午餐食乜餸 (2/09-6/09/13)

星期一 外賣常餐

星期二
梅子炆排骨
咸檸蒸烏頭魚
榨菜炒銀芽
薏米赤小豆冬瓜豬骨湯

星期三
梅菜蒸肉餅
釀豆卜炆冬瓜
魚香茄子
肇實合掌瓜豬骨湯

星期四

簡餐:慕尼黑白腸焗意粉

是日晚餐

兩餸一湯: 又食新鮮雞

攪咗兩日都仲未攪掂依個BLOG, 一來自己部腦慢到抽筋, 二來覺得GOOGLE未係好完善, 好似D相片咁, 明明放哂入日誌度, 但事隔一日竟然出唔到圖. 又好似想講私私言咁, 佢又無得比我揀私人日誌, 就算揀咗只分享比"家人", 但登出後依然見到果編唔想見光嘅日誌, 好鬼煩呀!!!

新鮮白切雞
涼拌菠菜
赤扁豆粉葛豬尾骨湯
磨菇洋葱雞油飯







好大隻肥雞



自我病歷紀錄: 2013年9月份

9月1日喉痛, 咳, 鼻塞食幸褔傷風咳素三次,仍然未好, 半夜胃痛 9月2日無食葯, 咳少咗, 有鼻水. 9月3日咳又多返 9月4日輕微好轉, 肩膞如針拮.

晚餐

彩椒炒瘦肉

梅菜炆腩肉

蓮藕湯

直接法: 奶皇包

材料: (2大)

高筋 (韓粉) 200g

快速依士 0.5茶匙

鹽 0.5茶匙

糖 2湯匙

橄欖油 1.5湯匙

水 120ml

蛋漿掃面

奶皇饀材料: (完成後約半碗)

低筋 3湯匙

糖 3湯匙

吉士粉 1湯匙

牛油 1湯匙

蛋黃 1隻

熱水 80ml

做法: 用熱水溶牛油及糖, 再放入其餘材料攪拌, 隔水蒸約10分鐘, 襯熱拌勻, 待涼後可用.

麵糰做法:

將所有材料撈好, 搓至不黏手及可拉出筋為止. 將麵糰放進微波爐, 把門關上進行首發. 待麵糰漲大至兩倍, 需時大約一個鐘, 視乎氣溫而定. 將麵糰排氣, 分割, 滾圓靜待10分鐘可造型. 造型後於包包面噴少少水, 以保持包包濕潤. 放回微波爐約40分鐘作二發至兩倍大即可入爐. 入爐前掃上一層蛋漿. 以200度預熱光波爐10分鐘. 用低架及加高圈, 以160度光20分鐘.



  







出爐翌日



兩餸一湯: 古老石山

人老咗要接受新事物真係唔容易, 用咗yahoo咁多年, 突然要轉用其他blog真係好唔慣, 攪咗兩日都仲未攪掂依家新blog點用, 就連相薄分類都唔識攪, 真係C蠢!

魚鬆杏鮑菇炒西芹

榨菜蒸肉餅

蛋花肉碎紫菜湯

是日晚餐

西餐