白切法國春雞



三十七蚊1隻,抵!!!



真係好細隻,不過胸肉好厚.



少油,肉滑,有雞味,值得一試!

曾經在"曾記"試過幾次拿起又放低,因為八十九蚊2隻法國春雞雖然已比大棧平十蚊,但都好肉赤,為償心願,買了八十八蚊2隻的美國走地春雞,唔係因為平一蚊,只係睇落去大隻D,覺得抵D. 試食後覺得春雞雖小,但好肉地,尤其係胸肉,果然係外國貨.

直到同事話見到梁九記法國春雞大特價,三十七蚊就有一隻,聽到即刻叫佢幫我買兩隻,一隻平十幾蚊,廣告仲要標榜絕無激素,點都要買來試下. 雖然有冇激素是食不出來的........

要試到隻雞掂唔掂,一定要做白切雞,所以今次都係起雙飛白切雞.  食落同上次美國走地春雞差唔多,都係有雞味,少油,但無乜口感,可能春雞本身就應該係皮光肉滑的,要有口感,就不要揀春雞了.