湯種殼麥提子包

軟熟得來又有彈性的湯種包
 

在"價真棧"買了一大包多種殼麥早餐,阿仔話D殼麥太硬,食到牙鉸都軟埋. 一千克咁大包,真係要諗諗點樣銷左佢. 用來直接搓麵包都驚佢硬,今次試下用佢來造湯種,再混入高筋粉同搓,效果好好,包包有彈性有口感,真係要比個讚自己.

殼麥提子包六個
湯種材料:
殼麥類早餐 60g
大滾水 60ml
做法:
滾水和殼麥混合好,用保鮮紙緊封表面,待涼後放入雪櫃雪一晚,比充足時間等佢吸收水份.

主麵糰材料:
高筋 180g
冰水 150g
糖 2.5湯匙
鹽 0.5茶匙
快速酵母 0.5茶匙
菜油 2湯匙
提子乾 適量

做法:

麵包機攪拌刀先沾上少量牛油,把刀片安放在軸心內.

將湯種放入容器內,注入水份,在容器對角放上糖及鹽,放入麵粉,於麵粉內刮一小洞把酵母藏在麵粉內,避免接觸到鹽份.
首先選用了麵糰模式(即8號),打開蓋搓粉至十分鐘,自行停機.

再選一次麵糰模式,全程搓粉二十分鐘. 當搓至十分鐘,此時可加入提子乾,再搓多十分鐘至自動完成搓粉程序. 此時可自行停機,將麵糰取出,放於室溫約一小時進行第一次發酵.  完成首發後,將麵糰排氣,分割,滾圓,靜待十分鐘可造型. 造型後以濕布蓋好放室溫進行二發至兩陪大,約四十分鐘. 以200度預熱光波爐十分鐘,用底架及加高圈,以160度光十七分鐘即可.

註一:自行停機做法: cycle + colour + stop 註二:天氣太熱,用雪凍的液體搓麵糰較好




湯種部份




排氣,分割,滾圓

出爐