聯和墟鳥羽日本料理

壽司定食A

壽司定食B

蕎麥冷麵



炸芝士年糕

老公要應酬,我就有藉口唔煮飯,同阿仔撐台腳.  以前想食日本野就要搭車出火車站褔井食. 褔井價錢合理,選擇多,而且D野好好食,所以門口長期有人等位. 自從約兩年前,聯和墟開左間鳥羽後,我就無出過去褔井食. 食物價錢比褔井平,而且唔收加一,揪起條筋去食都唔洗等位,唯一係種類太少,食多兩三次都唔知再叫咩食好.
今次叫左兩個壽司定食,一個蕎麥冷麵,一份炸芝士年糕,四樣野埋單約一百九十幾蚊. 壽司上的魚生好新鮮,不過跟餐麵豉湯咸得太過份. 蕎麥麵個冷麵汁過淡,無咩特別. 炸芝士年糕好好食.