花生眉豆木瓜雞腳湯

補充骨膠原

木瓜三斤

兩個木瓜只得幾粒核,好抵!

雞腳及瘦肉要汆水





滋潤靚湯

   想補充骨膠原唔一定要食花膠,數十元一煲有得食又有得飲的美味靚湯,已包含多種營養素.

材料:
木瓜 三斤
花生 一執
眉豆 一執
紅棗 十粒
陳皮 一角
雞腳 十隻
瘦肉 半斤

做法:
乾貨類洗淨後,用清水浸半個鐘. 陳皮浸軟後去瓤.
雞腳除去腳甲,與瘦肉一齊汆水.
木瓜去皮去籽,切大件.
凍水下所有材料,大火滾開後轉細火煲一小時三十分鐘,先把雞腳撈起,原煲再煲一小時三十分鐘,下鹽調味後即可飲用.

註:雞腳煲得太耐會易爛,而湯亦較肥,所以要提早撈起,如果喜歡食淋爛雞腳的可以煲足三小時.

功效

木瓜:用於食治消化不良、胃炎胃痛、十二指腸潰瘍、心脘痛、高血壓、壞血病、產婦乳汁少、小便不利、大便不通。

眉豆
味甘鹹，性平。主要成份為碳水化合物，蛋白質，脂肪，粗纖維。礦物質有鍾鈣、磷、鐵、維他命B1及B2。眉豆能理中益氣，補腎健胃。和五臟、調營衛、生精髓、止消渴、吐逆洩痢、消腳氣等功效

花生
性平味甘，入脾、肺經，具醒脾和胃、潤肺化痰、滋養調氣之功效。

雞腳
所謂「以形補形」，因其所含膠原蛋白比較豐富，這種膠類物質是構成肌腱、韌帶及結締組織中最主要的蛋白質成分。