洛神花茶及果醬

洛神花只要花瓣

洛神花要去除內藏的果實

無論味道及顏色都與利賓納相似



果醬




因為果醬沖水飲

洛神花茶材料:
新鮮洛神花 一斤
清水 3公升
冰糖 適量

做法:
洛神花原粒沖洗後,用水浸半個鐘.
用小刀切去花托底部,用筷子由底部用力一推,就可去除內裡果實.
凍水下冰糖及洛神花瓣, 加熱煲至滾起,再煲五分鐘可熄火,原煲焗三十分鐘. 隔去花瓣,可即時飲用,或待涼後放入雪櫃雪涷飲.

洛神花果醬材料及做法:
將已煲過水的花瓣瀝乾水份, 加入砂糖撈勻,醃至糖溶及有水份滲出. 下小鍋中慢火煮至汁杰,加少量檸檬汁再煮至呈膠狀可熄火. 放入已消毒的玻璃瓶內,待涼後可入雪櫃.

註:
洛神花果醬可直接用未煲過水的來做,味道會更濃郁. 不過既然有煲過水的,何妨物盡其用呢?
今次造的果醬食時有渣滓,可能花瓣太老身,唯有用來沖水飲,一樣好味!

洛神花用途 :

洛神花含有豐富的花青素、黃酮素、多酚。可以養顏美容，有調整血脂，維護肝臟健康的作用。洛神花具有解熱、抗高血壓、治療肝病、平衡身體內的酸鹼值的效果。
洛神花性質較涼，來經期間或孕婦勻不宜飲用。