2013平安夜

是日晚餐:雙蒸 + 滾菜湯

咸蛋蒸肉山

老家冬至

依然成台送,不過以前8位,如今只得4位,誰的錯??

三個字

中左三個字

冬至中六合彩,雖然只收四十蚊,都係一個好意頭!

是日晚餐:泡菜雜錦鍋



腊味拼盤

腊味拼盤:
鏞記潤腸
鏞記腊腸
深水"土步"腊鴨脾
榮華腊鵝腸
阿姐自製腊肉




泡菜雜錦鍋

是日晚餐:花生炆豬手

鮑魚炒飯,我睇你唔到!

五十蚊兩隻小小鮑

一人簡餐

隔夜送 + 淥菜

生日飯@海聯皇宮



BB乳豬,一D都唔BB

低溫發酵:又係芝士甜奶包

一個星期造幾次包包,真係諗唔到有咩新意,簡單方便最實際,所以又整多次芝士甜奶包.

材料: 五個小包

高筋 (韓粉) 200g
快速酵母 0.5茶匙
糖 1.5湯匙
鹽 0.5茶匙
橄欖油 1.5湯匙
水 120g


饀料:
芝士,甜奶
蛋漿掃面

做法:
將所有材料撈勻, 搓至不黏手及可拉出筋為止, 用密實盒蓋好, 放入雪櫃最少雪17小時作第一次發酵. 從雪櫃取出回溫後, 排氣分割滾圓, 靜待10分鐘開始造型, 造型後於包包表面噴上少少水, 確保包包能保持濕潤, 用濕布或保鮮紙蓋面, 於室溫作最後發酵. 包包發酵至約兩倍大, 於表面剪一刀,掃上蛋漿及甜奶,再灑上芝士, 以200度預熱光波爐10分鐘, 用低架及加高圈, 以160度光17分鐘.








出爐翌日

一湯兩味:老細,我愛你!

換左部電腦, 真係快左好多,不過好多口語化的字眼全部唔見哂,好似"食送", "口既", "口左"之類全部出唔到,有D唔係好慣.
老細一個星期只會出現一次, 等到頸都長埋先等到佢返,即係同佢辭職. 
在遞信前自己有哂心理準備,諗定佢有咩反應,一係好淡然咁話:"既然你有新發展,咁我唔阻你啦!"
又或者話:你都知公司依家咩環境,可能做多一兩年就執,不如幫埋我依兩年先走啦!"
當我同佢講要辭職果陣,佢最初有D"鱷"然,跟住用好關心的語氣問我發生咩事?點解要咁做? FEEL到佢真係關心我,果刻忍唔住喊左出來.  講哂我要講的,佢亦講哂佢所想的,而且人工更加到同新公司一樣,我同佢講我而家的工作量,跟本唔值比依個價,佢話值唔值唔係我講,係佢認為值就係值,佢叫我放心,唔會覺得我威脅佢.
佢話:你都唔細啦!仲咁辛苦做咩?出面比得起依個人工你,一定忙到死啦!而且咁樣會影響你家庭生活,就咁決定留下幫我啦!
留!更係留啦,仲有邊度有咁荀呀!
又要再講一次,好老細真係難求,咁都比我遇到,我覺得自己好幸運!

蜜汁豬頸肉
泡菜青瓜炒椰菜
咸火腿肉片冬瓜湯







蜜汁豬頸肉

冷藏麵糰+低溫發酵:芝士鮮奶條

材料: (5個小型包)

高筋(韓粉) 200g
快速酵母 0.5茶匙
糖 1.5湯匙
鹽 0.5茶匙
橄欖油 1.5湯匙
鮮奶 125g
蛋漿及芝士掃面

饀料:
車打芝士

做法:

將所有材料撈勻, 搓至不黏手及可拉出筋為止, 用保鮮袋緊封麵糰,再用膠袋包好,放入冰格冷藏. 我試過最多雪咗一個星期. 造包前提早兩天將麵糰轉放入密實盒蓋好, 放入雪櫃作第一次發酵. 從雪櫃取出回溫後, 排氣分割滾圓, 靜待10分鐘開始造型, 造型後於包包表面噴上少少水, 確保包包能保持濕潤, 用濕布或保鮮紙蓋面, 於室溫作最後發酵. 包包發酵至約兩倍大, 於表面掃上蛋漿及灑上芝士後可入爐. 以200度預熱光波爐10分鐘, 用低架及加高圈, 以160度光17分鐘





出爐翌日

是日晚餐

三餸一湯:訂立新生活習慣

新工返930-1800,星期六放假,睇落好荀,不過知道工作好繁忙,所以唔好諗住可以準時收工,而且交通唔方便,每日要小巴+火車+小巴/小巴+火車+步行二十分鐘先可到達公司,推算每趟要花上九十分鐘先到達,即係第日要成八點先返到屋企,煮得飯嚟九點幾先有得食,所以一早預告隨時有機會捱飯盒當晚餐,好彩老公都體諒.
仲有一件令我極頭痛嘅事,就係我每日嘅例行"公事","公事"一向係我最困苦嘅事,好難得先可以習慣到定時定候有貢獻,而家有公司鎖匙,話返九點但每日八點令已返到公司,喺公司嘆完早餐再做完"公事"就啱啱好九點. 第日要點樣調節好呢?
跟住就要諗諗午餐問題,而家有阿姐日日三餸一湯,多菜多湯水,以後嘅日子就要趕頭趕命出街食,以我嘅體質,相信要一段長時間先適應到.
以上一連串難題我已經有哂心理準備,我有信心會一一克服,信心來源係因為新工有前途同有錢途.

蔥油芝麻雞
魚蛋煮節瓜
茄汁豆
鱷魚肉清補涼湯




三餸一湯

焗焦糖布甸

早幾日抽起條筋焗咗蛋白,剩返蛋黃唔知做咩好,橫掂仲有淡忌廉, 又整多款快靚正甜品先. 想喺布甸表面做一層薄薄焦糖,不過屋企無火鎗,自作聰明地用咗一個方法,就係焗完後灑少少糖喺布甸表面,再以高溫焗三分鐘,但都做唔到焦糖,不過表面都做到脆脆哋,算唔錯啦!

材料: (三杯)
鮮奶 120ml
淡忌廉 120ml
蛋黃 3隻
糖 3茶匙
吉士粉 1湯匙
少量砂糖灑面

做法:

以200度預熱光波爐10分鐘. 將鮮奶,淡忌廉,砂糖及吉士粉一同放入器皿中,輕輕攪拌至糖溶. 將蛋黃打散,加入鮮奶拌勻,隔去泡沬,平分三碗,以200度光8分鐘,於表面灑上少量砂糖,以250度光3分鐘即成.





材料一覽

是日晚餐



甜酸排骨

腐乳炒生菜



豆豉鯪魚

花生眉豆木瓜湯

兩餸一湯:收拾心情,迎接新挑戰

寫完辭職信後,就開始計劃下未來,首先要極速清哂手頭上嘅工作,作用係想用一個月時間操返FIT自己,我相信新工作一定要下下開行TURBO,所以要迫自己早D適應,而且舊公司唔知會點安排我而家嘅職責,其實我唔介意返嚟做PART-TIME,既然一切都係未知,所以更加要快手清哂佢.  依幾日都有同朋友傾下新公司嘅工作安排,其實作咗決定後,開始心思思諗住份新工,我知會好忙,不過我鍾意多勞多得,喺依度嘆咗十幾年,再唔BUILD-UP返自己,我怕會開始退化.
除工作以外,都有諗下將來工餘時間嘅安排,例如幾點先可以放工,返到屋企要幾點先煮到飯等等. 
喺一間工作咗廿年嘅公司,我已經當咗佢係我屋企嘅一部份,所以我走果日,應該要叫"雞記"先搬得哂我D私人物品.


豉油皇燒腩片
淥唐生菜
冬瓜蕃茄瘦肉燒豬骨湯



兩餸一湯

冷凍麵糰:芝士甜奶包及菠蘿果醬包

材料: (5個小型包)

高筋(韓粉) 200g
快速酵母 0.5茶匙
糖 1.5湯匙
鹽 0.5茶匙
橄欖油 1.5湯匙
水 125g
蛋漿掃面

饀料:
芝士,甜奶
菠蘿果醬
做法:

將所有材料撈勻, 搓至不黏手及可拉出筋為止, 用保鮮袋緊封麵糰,再用膠袋包好,放入冰格冷藏. 我試過最多雪咗一個星期. 造包前提早兩天將麵糰轉放入密實盒蓋好, 放入雪櫃作第一次發酵. 從雪櫃取出回溫後, 排氣分割滾圓, 靜待10分鐘開始造型, 造型後於包包表面噴上少少水, 確保包包能保持濕潤, 用濕布或保鮮紙蓋面, 於室溫作最後發酵. 包包發酵至約兩倍大, 果醬包於表面掃上蛋漿後可入爐; 另外兩個包,於表面介一刀,掃上甜奶及灑上芝士後,以200度預熱光波爐10分鐘, 用低架及加高圈, 以160度光17分鐘





出爐翌日

是日晚餐

麥芽糖豉油皇雞翼

毛茄

肉絲炒毛茄

杞子肉片娃娃菜湯

兩餸一湯:非一般辭職信

決定辭職後,諗咗好耐應該點同老細開口,又諗下一但開口佢會有咩反應. 老公估我老細會傾向留我,不過我份新工嘅人工比而家多咗幾千蚊,以公司嘅環境,老細唔會出咁高人工留我囉.
最後決定除咗直接同佢講外,都會寫封辭職信,而依封信我唔會用好公式嘅口吻去寫,始終廿年賓主關係,而佢又對我好好,所以我只當寫信比老朋友. 最初諗住封信會好難寫,但原來一開頭到結尾都只係花咗我十幾分鐘,因為信內全無堆砌,字字出於真心. 邊寫邊想起依廿年公司嘅起跌,好景嘅時候,大家都好忙,但好開心. 環境差嘅時間,公司要凍薪,甚至減薪,大家都欣然接受.........,寫寫下,眼淺嘅我終於喊咗出嚟.

西芹炒魚鬆
蒸榨菜肉絲
瓜蓉粟米羮



西芹炒魚鬆

芥末魚柳焗飯

五蚊一塊冰魚柳,加入蛋黃醬和芥末,造成焗魚柳. 再用蛋,洋蔥同少少淡忌廉煮汁,自煮其實都可以好簡單,好抵食.

焗蛋白鮮奶:求變......

近期因為工作關係,無心情寫blog. 朋友不下數次叫我過檔,早兩年真係無去諗,當時老細兩兄弟因錢不歡而散,我係老細唯一傾聽者,如果我走咗,好似不近人情.近一年可能自己多心,覺得老細對我無之前咁好,好多嘢都唔再同我傾,覺得自己地位有D動搖. 而且因為自己大佬唔爭氣,要我獨力支付老豆嘅生活費,每月多咗成萬蚊開支. 咁啱朋友又舊事重提,我今次開始動搖,我話會考慮下. 朋友聽見我咁講,佢話當晚成晚瞓唔著,因為佢叫咗我咁多次,只有今次話考慮下,佢覺得我過檔嘅成數好高,開心之餘,成晚諗下如果分配工作,攪到佢身邊果位都無得瞓,佢真係好睇重我. 兩日後上去見佢老細,大家傾得投契,佢好體諒我跟咗舊老細廿年,所以唔介意我繼續以PART TIME型式幫舊老細手. 而人工方面亦相當滿意,大家好似一拍即合咁. 其次我係見到間新公司有前景,所以決定同舊老細結束二十年嘅賓主關係.

秋冬潤甜品:焗蛋白鮮奶 (三人份)
材料:
蛋白 3隻
鮮奶 150ml
淡忌廉 150ml (如無,可用鮮奶代替,只是食味和口感無咁濃滑)
砂糖 5茶匙

做法:
以200度預熱光波爐10分鐘. 將鮮奶,淡忌廉,砂糖一同放入器皿中,輕輕攪拌至糖溶. 將蛋白打散,加入鮮奶拌勻,隔去泡沬,平分三碗,以200度光8分鐘即成.




快,靚,正!

三聖村食海鮮

是日晚餐



蒸咸排骨,榨菜炒椰菜

是日晚餐

古法蒸盲糟

腊腸及冬菇絲用豉油,生粉,糖同油撈勻放上面

香茅肉碎炒豆角

冬瓜梅菜頭肉片湯

是日晚餐

冬菇栗子炆雞

竟有這樣細的南乳?

南乳炆粗齋

花膠節瓜清補涼豬尾骨湯

開飯!

低溫發酵:榨菜肉絲餐包

 某日,食剩咗少少榨菜肉絲,放咗入冰櫃,當唔知造咩包包嘅時候,就用咗佢嚟做饀料,原來都幾好味道.

材料: 五個小包
高筋 (韓粉) 200g
快速酵母 0.5茶匙
糖 1.5湯匙
鹽 0.5茶匙
橄欖油 1.5湯匙
水 120g

饀料:
榨菜肉絲
蛋漿掃面

做法:
將所有材料撈勻, 搓至不黏手及可拉出筋為止, 用密實盒蓋好, 放入雪櫃最少雪17小時作第一次發酵. 從雪櫃取出回溫後, 排氣分割滾圓, 靜待10分鐘開始造型, 造型後於包包表面噴上少少水, 確保包包能保持濕潤, 用濕布或保鮮紙蓋面, 於室溫作最後發酵. 包包發酵至約兩倍大, 於表面掃上蛋漿, 以200度預熱光波爐10分鐘, 用低架及加高圈, 以160度光17分鐘.

兩餸一湯:中學開家長會好奇咩?

早兩日阿仔學校開家長會,主要講解下揀大學嘅資料同流程.  同事知道後就好大反應咁話:有冇提錯呀,出年都讀大學啦,咁大個人仲要開家長會? 以前我唔理個囡咖,我連家長會都唔去添!  首先,你個囡成績咁好,你唔理都大把大學要啦!再者你咁有錢,香港讀唔到就出國囉! 同埋你個囡已經係10年有多嘅事,同而家跟本唔同,我真係唔相信你無參與過你個囡學校嘅家長會囉!有時有D嘢你唔出聲就算,做咩講到我去開家長會好似好多餘又好抵B咁呢?





肉碎炒豆角

自家製PIZZA

10吋批底材料:
高筋(韓粉)  200g
快速依士 0.5茶匙
鹽 1茶匙
糖 1茶匙
橄欖油 1.5湯匙
水份 125ml

饀料:
蕃茄醬,芝士腸,菠蘿,粟米,芝士,黑胡椒,香草乾

做法:
將所有材料撈好, 搓至不黏手及可拉出筋為止. 將麵糰放進微波爐, 把門關上進行首發. 待麵糰漲大至兩倍, 需時大約一個鐘, 視乎氣溫而定. 將麵糰排氣後可造型. 造型後用叉於批底拮小孔及掃上橄欖油.  以200度預熱光波爐10分鐘. 用底架以210度光5分鐘.  將批底取出,先在批底掃一層蕃茄醬,然後放上芝士,跟住放上其餘饀料,灑上黑胡椒及香草乾,表面再放上芝士. 用低架及加高圈, 以210度光15分鐘.



 


剛搓好的麵糰

是日晚餐

梅子蒸排骨

支竹魚腐煮節瓜

蕃茄薯仔三文魚骨湯

兩餸一湯:曼城遭黑!

曼城今年嘅甩漏,除咗証明金賓尼嘅重要外,大多數都係拜袓赫特所賜,其抵級錯失簡直係世界級,我要替英超四強多謝"遭黑"!






洋葱糖醋骨

是日晚餐

開飯喇!