青醬三文魚意粉

 

青醬的材料

初完成的青醬是翠綠色的,雪了一個鐘就變色了

惠康的連皮三文魚,19.90/包,平!

惠康無花果,39.9/包,平!



本地水耕沙律菜,48.00/包



無花果沙律



好味西餐!

喜歡青醬的清新味道,不過唔知兩位男仕的喜好,最初只加了少量拌意粉,佢地竟然話唔夠味,咁就一次過哂吧!
食譜大多都用較多的橄欖油,我並無依足,總之能把材料打爛就算.

青醬材料:
蘿勒一札,果仁小半碗,鹽,黑椒,初榨橄欖油,芝士

做法:
蘿勒沖洗後只要葉,瀝乾.
用松子,腰果等任何果仁都得,我用了合桃. 合桃先用光波爐焗香,去衣.
將所有材料放進小型電動攪拌器內(芝士除外),打至蓉爛後,加入芝士拌勻即可.

更佳保存方法:
如未能一次用完,或做好的青醬不是即用,可放進樽內,表面封上一層初榨橄欖油,放入雪櫃,就能保持翠綠.

青醬三文魚意粉
三文魚用鹽醃好,於表面掃上薄薄的油,放入已預熱的光波爐內,
以200度光八分鐘.
滾水下鹽散下意粉,加蓋待再滾起時熄火,待焗透隔去水份.
熱鑊下油,加入蕃茄細火炒至軟身,下蒜蓉炒一陣,熄火. 倒入意粉及拌入青醬,拌勻後可上碟,如太乾身可加入少量煮意粉的水. 上碟後放上三文魚,灑上芝士碎即可.