昆布綠豆糖水

叔仔的日本手信

綠豆同昆布要先浸水

煲埋一大煲



待涼放雪櫃

 糖水店賣一碗平平無其的綠豆糖水要十六蚊,加多幾蚊,自己動手,可以煲夠十碗. 食唔哂可以用膠碗裝好,待涼放入冰格,雪足一個月都無問題. 幾時想食,早一晚放於雪櫃普通格,退冰後可凍食,或入微波爐叮熱.

材料:
綠豆 半斤,昆布 一條切成條狀,果皮 一角,水 二公升,片糖 1.5磚

做法:
綠豆,昆布同浸水一小時,果皮浸軟去瓤.
凍水下所有材料,煲滾後轉細火煲四十五分鐘,下片糖再煲十五分鐘即成.

功效:
清潤降火,涼血解毒.
加入果皮及片糖可減少其寒涼之性.