扁豆赤小豆老黃瓜豬橫利粟米湯



個湯好甜



至愛豬橫利



好味!

 自從十蚊買到已啤水的豬肺後,覺得依個肉檔的野較平,今次再幫襯買豬橫利都只係五蚊條,真係平到無朋友.

材料:
老黃瓜,粟米,豬橫利,瘦肉,扁豆,赤小豆,果皮,蜜棗.

做法:
瘦肉同豬橫利汆水,豬橫利要切去肥膏.
扁,赤豆同果皮用水浸三十分鐘,果皮去瓤.
老黃瓜同粟米洗淨切件,老黃瓜可連皮連瓤同煲.
凍水下所有材料,以大火煲滾後,轉細火煲三小時,下鹽調味.

功效:
黃 瓜 能 清 熱 解 渴 ， 利 尿 。
赤 小 豆 含 蛋 白 質 ， 碳 水 化 合 物 ， 鈣 ， 磷 ， 維 他 命 A 、 B 、 C 。 能 止 瀉 健 脾 ， 去 水 腫 ， 利 小 便 。
扁 豆 能 和 中 健 脾 胃 ， 消 暑 化 濕 。
粟米有利尿，清熱作用。
豬橫脷是豬的胰臟，能治療消渴症。