生日飯@再臨閣

因為正日阿仔要返學,所以一家三口預早慶祝.
對上次係舊年7月,當時係人生中第一次中六合彩四獎,收九千幾,開心得請幾個同事食自助餐........
今次再來已經加左廿蚊,但有八折,計埋都係二百七十蚊有找.

冷盤有多種沙律菜,風乾肉有三種,煙燻魚有二種,火腿等
魚生有三文魚,吞那魚,紅章魚(好似)
凍蝦,麵包蟹,螺,青口,小龍蝦.
熱食有十幾種,亦有即煎物:蝦,魚及其他
燒牛仔肉
水果及各類甜品

種類未至於花多眼亂,但我竟然飽到試唔哂所有食物. 其實最緊要合口味,覺得最正係燒牛,好似同事咁講:食兩件燒牛已經番本, 正確! 因為燒牛熟度式中,肉質軟滑,我無本事食到兩件,就連熱食都只試左兩種,失敗!
食過兩次都覺得甜品唔得,外表欠吸引,就連食味都唔掂,有待改善.