生日飯@Table 18

好味頭盤

蝸牛焗啡菇

燒豬手及薄餅

頭盤:巴馬火腿 + 沙樂美腸 + 煙三文魚 + 水牛芝士 + 雜色翠玉瓜(我覺得似) + 橄欖 + 醋黑蒜
除左醋黑蒜(因為我唔食蒜),樣樣都好味,尤其巴馬火腿,油脂平均且咸香,應該最少有廿四個月. 好鍾意拌碟的意大利醋,好厚身,好好味,究竟點先可以煮到D醋咁杰? 大鄉里....

焗蝸牛大啡菇 (唔記得個菜名,類似)
芝士香濃,蝸牛好味,拌碟的沙律菜連醋都好好食.

主角:燒咸豬手
皮脆但唔得鬆化,而且唔係全隻豬手皮都脆,有部份仲好硬,而且肉質有少少乾,有D失望. 拌碟的酸菜好味,薯條亦好脆.

牛肝菌薄餅
凡薄餅都要即食,第一塊同第二塊的口感差好遠.

因為同行有人唔食沙律,所以無叫到青蘋果沙律,可惜! 另外因為得四個人,而肉類又太多,連德國雜腸都無叫,可惜!! 美中不足係無叫飲品,所以食到好乾好乾........