生日飯@粉嶺褔井

刺身,鮮!







壽司,正!

 同四嬸的舊曆生日相差幾天,最初打算大鵬人食餐飯高興下. 不過四叔在群組的發言竟然無人回,不過,都唔係第一次無人回,所以只有兩家人一齊慶祝. 其實人多人少係其次,最緊要食得開心! 兩個女人至愛魚生壽司,咁當然係主角話事啦!
因為事隔一個月,已唔太記得叫過咩,只係記得叫到成台都係,六人食埋單一千二百,菜單如下:

雜綿刺身
三文魚壽司 五碟
吞拿魚壽司 二碟
北寄貝壽司 二碟
蟹籽軍艦壽司 一碟
蟹柳壽司 一碟
加州卷 一客
青瓜小卷 一客
軟殼蟹手卷 二客
雜綿天婦羅 一客
燒羊架 二客
燒開邊雞翼 二客
燒牛舌 一客
炸蠔 一客
炸南瓜餅 一客
海鮮湯烏冬 一碗
吉列豬扒滑蛋飯 一碗
汽水 二罐

自己帶左個蛋糕去餐廳,要收五十蚊開餅費,我覺得唔算貴,因為人地提供埋碟同叉,又幫我地點埋腊竹.  今次買左美心最新出品"黑森林蛋糕",依個蛋糕一推出時我已經好有衝動食佢,的確無令我失望,朱古力夠濃又唔係好甜,黑森林之最!