叔仔結婚紀念日@Let's Thai

美心出品:意大利草莓蛋糕

泰式沙律魚

大快朵頤

叔仔抽起條筋話一齊食飯慶祝佢的結婚六周年,有免費晚餐梗係咪執輸啦!

早前見美心有個蛋糕好grand,好有結婚蛋糕feel,襯今次有藉口可以買來試下.不過侍應搣甩左蛋糕圍邊後,成個蛋糕有D失色了.

Let's Thai係新派泰菜,注重賣相,而且每款食物都配上好多沙律菜,所以食時唔覺得肥利. 今次係第二次來,依然覺得好好味. 千祈唔好諗住平日唔洗訂位,星期一晚都爆場,好彩我有訂位,要比個讚自己.
今次一行八大三小,亂點一通後,成台都係食物,其實想相機食先,可惜長台關係,好多都影唔到.無論大人同小朋友都食得好開心,但埋單幾錢就唔知囉.

十一人晚宴:
青咖喱雞配白飯:好香香茅味,微辣,顏色好翠綠,好好味.
黃咖喱牛配白飯:一D都唔辣,好味.
泰式無骨鳳爪:都係微辣,好多配菜,好味
泰式沙律魚:賣相極吸引,條魚炸到會飛咁,魚肉上薄漿炸,好危口,拌有青木瓜沙律係絕配,成碟真係好味到無朋友,仲要係大大碟,$138真係好抵食!
墨汁墨魚丸:見到幾個痴左粟米的黑色波波真係唔太吸引,但食過就知好味道,又係好食到無朋友.
流心芝士蝦丸:芝士真係好流心,都係好好味.
雞肉,豬肉串燒:叫左三客後,小朋友仲要追加,即係好食啦!
炭燒豬頸肉拌生菜: 叫兩客又係快快手清哂.
泰式炒蜆:甜甜地辣辣地,全晚最普通的一個.
泰式炒金邊粉:好飽,無食過.
蒜蓉包:三客都好似未夠喉.
炒芥蘭:唔錯