友人生日@Casablanca Cafe

老板送的薄荷茶,好香!

唔知幾時開始,主角會預備回禮比我地,
今次係香水,好清香,多謝哂!

室內環境無咁光,暗暗地反而有feel D

味似羅宋湯的鷹咀豆蕃茄濃湯

頭盤:春卷好味,另一款唔知係咩,
香草味太濃,唔好食.

香煎龍利柳,魚好味,薯蓉好味,
拌食的檸檬醬汁更正.

雞肉陶碢及羊肉陶碢,
都跟黃薑飯

意式肉腸芝士薄餅,好正!

維他命水,每樽$28,老板話收半價,好抵!

甜品: 朱古力批,芝士批,檸檬撻變了焦糖燉蛋
全部味道一般

團購菜單,選了4人餐,但5個人都食唔哂,
其實我地細食左少少.

一向對團購無乜信心,不過今次友人想試新野,佢見團購有得食摩洛哥菜,而且好平 (半價),咁就膽粗粗去食左.
$568四人套餐,中文菜譜都睇到眼花,現場只提供英文菜譜,好在有附有圖片,加埋有限的英文同老板溝通,大概都知道點左咩菜式.
餐廳佈置好有特色,加埋微暗燈光,幾有FEEL! 重點係果晚無乜客人,好似包場咁,到食到尾聲先有兩台客,全場我地玩哂,好正!
食物方面,摩洛哥菜預左香料多,味道濃. 好在仲有少量西式主食可揀. 如果唔嗜重口味,可揀煎龍利同PIZZA,都好好食.
整體唔錯,再次覺得環境同心情係影響食味,當晚無論環境同心情都好好,所以食味更覺加分.