友人生日會

辣味紅醬燴鴨脾

烤去骨羊脾拌薯蓉

自家製香草包配巴馬火腿及芝士

"新幹線"刺身拼盤

烤香芋南瓜

烤彩椒涼拌

水果拼盤

啤梨粟米薯仔沙律

紅豆綠茶豆腐芝士蛋糕

今次生日會我做主場,天氣太熱唔知食咩好,本來主菜係紅咖喱配香草包,但阿仔腸胃炎,唔適合食辣,將已醃的鴨脾轉用自家製紅醬來煮. 甜酸配上微辣,好醒胃!

六人晚宴
辣味紅醬燴鴨脾:好惹味

烤無骨羊脾拌薯蓉:羊脾過熟了

香草包配雜芝士巴馬火腿:穿窿芝士好難食

新幹線刺身拼盤:自從屋企附近刺身店結業,每想食壽司或刺身就頭痕. 因為唔想幫襯連鎖店,後來搵到老公公司附近的新幹線,較早前買過象拔蚌好新鮮,所以今次大熱天時都要幫襯返佢. 今次買大6-8人的刺身拼盤,內容應有:三文魚,吞那魚,八爪魚,北寄貝,墨魚,立魚及油甘魚,但因貨源不足,只有三文魚,吞那魚和北寄貝配上一板海膽,其餘的都變了墨魚,八爪魚類高膽固醇的刺身,有點貨不對板.

烤香芋南瓜:烤緊時好香芋頭味,不過食時又唔多覺,但南瓜都係好好味.

涼拌彩椒:彩椒先烤過,再用黑椒及鹽拌勻,雪凍.

水果拼盤: 哈蜜瓜,皺皮瓜,金奇偉果,芒果,火龍果及車厘子.

啤梨薯仔粟米蛋沙律:啤梨唔夠熟

自家製紅豆綠茶豆腐芝士蛋糕:超好味,要比自己10個讚.