冷凍薄餅底

無論以前手搓或現在用麵包機,最少都會搓400g粉,但因為光波爐面積有限,每次只可焗六個造型包,餘下的麵糰就跟Carol老師,做一個薄餅底,留待下次用. 而最方便係即時從冰格取出,即時加餡料,即時入爐,唔洗半個鐘就有得食,快!靚!正!

冷凍餅底做法:
麵糰經過首發後,排氣及滾圓,靜待十分鐘.
以200度預熱光波爐十分鐘.
將麵糰桿成圓餅型,用叉在麵餅上叉窿窿.
用低架及加高圈,以180度光十分鐘.
出爐後待涼,用保鮮袋包好,放入冰格.

薄餅做法:
以200度預熱光波爐十分鐘.
從冰格取出餅底,放上喜愛餡料.
用低架及加高圈,以150度光十五分鐘,轉200度光五分鐘.



經過首發,即可造型及入爐



出爐後待涼,用保鮮袋包好存放在冰格

從冰格取出,無需解凍即可加上餡料

上料

出爐

芝士過濃了,下次要改改度數和時間