食在蛇口希爾頓酒店

六人行程:
到步後第一餐,於酒店中菜廳嘆茶. 問侍應有咩茶,佢即刻拿來一本茶譜,最平每位八十幾,每壼幾百蚊,睇到我地眼突突,後來問佢有無普通D的消費,佢話每位茶錢十蚊,但只有普洱茶,港燦緊係要最低消費啦!
點心連炒飯炒麵共六樣(七碟),以白金咭付款,折後$410人仔. 炒麵一碟變兩碟,因為我地叫左吊片絲豉油皇炒麵,但食到一半都唔覺有吊片,侍應話落錯單,免費炒過一碟比我地,所以賺左一碟,好飽!
晚飯去皖廚食,埋單六百幾蚊人仔,好抵.
食到鬼咁飽,但堅持要食甜品,去左滿記食,雪糕溶,榴槤唔夠甜,二百幾蚊人仔找數.
返到酒店,自備紅白酒,HAM,NUTS同薯片做宵夜.
翌日酒店自助早餐,好多野食,係我食過當中最多野食的自助早餐,百幾蚊一位,抵! 食到最後,見侍應開始準備BRUNCH,見到有生蠔,皇帝蟹等貴價食材,每位只係二百幾蚊,由十一時至下午三時,依個時段最合我地班夜鬼,可以訓晏D,退左房先慢慢嘆,早知有BRUNCH,就唔食早餐啦!
食完個早餐個個食到痴痴呆呆,到兩點仲未覺肚餓,但都去左海上世界廣場其中一間泰國餐廳食,六個人叫左六杯飲品,一個炒粉,一個炒菜,一個翻炸又UN又唔脆的炸物拼盤及兩碗湯粉,埋單五百幾人仔,論環境及食物質素,酒店飲茶食點心較為化算.




荷葉飯,好食!

酥皮叉燒包,超正!

榨菜五香肉丁陳村粉,太淡.

流沙包,唔夠濃味.

叉賣,正!

豉油皇炒麵,OK.

豉油皇吊片絲炒麵,OK.

宵夜,紅白酒.

巴馬火腿,薯片, NUTS

酒店大堂吊燈

自助早餐

BRUNCH

海上世界廣場內的泰國餐廳,又貴又唔好食.