蛇口希爾頓酒店



房間見到的風景

深圳 蛇口 希爾頓酒店
房價: HK$1,210.00 一晚,包兩位自助早餐 (已用HSBC折扣)
酒店於2013年11月開幕,所以仲好新淨,不過大陸酒店一向折舊率極高,想去就襯早.  酒店有多間食肆,飲過中茶同自助早餐,好食但好貴,五星級酒店嘛! 酒店服務員態度友善及主動,永無睇你唔到,十個讚!

交通:可由褔田乘搭深圳地鐵往海上世界站(二十個站)只是八蚊人仔,好抵! 由地鐵站步行到酒店只需數分鐘. 或者可由福田搭的士約七十蚊人仔. 今次一行六人,BOOK車一程一百八十蚊人仔.

周邊設施:海上世界廣場是食肆集中地,有多國食肆,酒吧及咖啡館,好有外國FEEL. 另海上世界有間用船造的酒店,聞說好舊,有入去行過,感覺都幾好. 但咁大地方竟然無超級市場,只有一間7仔,買飲品選擇不多.




入口右邊是服裝間,左邊是廁所

再入就是房間

廁間有獨立企缸及坐廁

通常都不會用的浸浴缸



房間不算大,但面對落地玻璃,視覺上很寬敞.

海上世界夜景

海上世界夜景