早餐@聯和墟T-Cafe

咸牛肉炒蛋配牛角包

乜乜腸焗豆炒蛋配多士

T-Cafe在聯和墟開了好多年,以前間中都有去食晚飯,質素都幾好, 不過覺得越來越貴,而且好難搵位,漸漸好似唔記得佢的存在.
襯提早放年假,同阿仔去左食早餐,坐低一陣,聽見隔離有位阿叔同佢朋友講,原來九點先開門,但未開門已經企哂人在門外等位,又要取飛等位,真係好巴閉. 好彩我去時已經食完第一輪,所以唔洗等位.
佢地早餐有好多款式,中西合壁外,仲有好多特式早餐. 我同阿仔揀了三十二蚊的西式早餐,價錢係較平時食開廿幾蚊有交易的貴,但人地真係比足料,物有所值! 阿仔叫了咸牛肉炒蛋配牛角包,真係估佢唔到會有兩個牛角包. 而我叫了唔記得咩腸焗豆炒蛋配多士,上檯時真係比條腸嚇左一嚇,條腸好似紅腸咁粗,而且仲好長,三十二蚊有咁大條腸真係抵到無朋友,結果我食左半條已經頂唔順,要阿仔幫我掃埋. 今日依個早餐真係好滿足. 另外一提,佢依度叫熱飲係用保溫杯,食完成份早餐杯奶茶仲係熱辣辣,正!