煎牛肩肉,蟹肉意大利飯,青瓜沙律

同阿仔撐台腳

曾記買的牛肩肉扒

煎到約五成熟,但仍然好UN

蟹肉意大利飯,用了冰櫃存倉的龍蝦湯底
同急凍蟹肉,好味!

烤百合茄拼青瓜絲,
同西柚沙律汁係絕配.

飲品:番石榴汁加梳打水

自從老公戒牛戒蝦蟹後,雪櫃總有牛扒或牛肉存貨,等佢唔返黎食飯時,可以食返夠本.
慳家師奶心態,明明有好幾款牛扒,左揀右揀,都係買左較平的牛肩肉扒.......
結果,唔好睇表面好似煎到黑炆炆咁,切開只係五成熟,但UN到無朋友,下次都係買貴少少的肉眼扒.
蟹肉意大利飯同樣要等老公唔返黎食先可以煮,依個飯真係無得輸!
蕃茄要用油煎下或烤下先有茄紅素,撈左少少橄欖油,用光波爐光一陣,放涼後拌青瓜絲,味道好清新.