回穗探親美食之旅

久違了的老家味道,10個讚!

蘿蔔炆羊肉

荔芋炆鵝

咸酸菜炆豬腸

鹵水豬肚大利

白切雞

芥蘭苗炒雙丸

蝦乾雜炒

炒粒粒

發菜豬手

親戚表演開靚靚沙田柚

親戚們的回禮,多到逼爆篋

舅父舊年來港炆的羊肉

皮爽肉滑的白切雞

舅父從老家帶來的菜餚,可惜當日發高燒,有得睇無得食

雖然媽媽走了多年,同阿姨關係都無生疏過,而且變得更緊密. 不過直覺話比我知,大約五年前開始,大家關係好似變了質. 連老公都感覺到,而且仲間中提我防小人,當時我覺得清者自清,但漸漸開始心淡. 幾年來阿姨同舅父都有來港探大王,不過都係即日來回,根本無時間詳談. 拖拉了幾年,今年終於的起心肝返廣州探下佢地,自己諗住就算唔受歡迎都好,至少做返後輩要做的事.........

好開心親戚們相當比面,幾個老表本來要返工,都調左假陪我,兩日行程都係食食食. 早上十一點幾到踄,已經安排去酒樓開餐,而家廣州D食肆好難搵位,所以阿姨接我地,姨丈同老表們就去酒樓取位,勞煩哂佢地之餘,其實我真係好開心,覺得佢地好重視我. 最勁係舅父,在個個反對的程況下(因為驚佢辛苦)堅持要在家開餐,一個人煮哂兩圍檯,仲要樣樣都好味. 其實舅父煮野有一手,佢好鍾意煮野食,所以佢煮得開心,我地又食得開心!

翌日同阿姨,姨丈飲茶,將積埋多年怨氣全部講哂出來,好暢快! 今次的探親旅程好值得,好開心!

另外一提,近幾次返廣州都係住天一,貪佢近阿姨屋企,又近地鐵站,而且叫做四星級,乾乾淨淨咁. 不過今次真係好差,可能日久失修,雖然已經係套房,但無論牆紙同地毯都好多烏漬,真係好唔掂!