友人生日@北京樓

主角的回禮:潤唇膏,友人送的草餅

茶樹菇蒸魚塊

冷盤:糖醋有骨腩及涼拌茄子

冷盤:醉雞

蘆薈海皇羹

片皮鴨及宮保蝦球

12月份友人生日,要避開佔中區,好多地方都唔敢去. 主角決定去新世紀廣場,貪佢近東鐵,轉車都方便D. 主角原先想食新世紀內的一間泰菜,但FULL BOOKING,預留左部份台比WALK-IN客,唯有六點半前去取位,友人去到先知入座計限坐個半鐘,因為我地要七點幾先人齊,即係人齊開始只得半個鐘食,咁就無謂囉. 最終轉場去北京樓. 可能係平日,全晚只係六成客,所以坐得好舒服. 叫左個特價四人套餐九百幾,連加一茶芥埋單計過千.

四人套餐:
冷盤:
糖醋小腩排-唔肥,好好味,正!
涼拌茄子-微辣,正!
醉雞-我的醉愛
蘆薈海皇羹-清清地,唔錯.
宮保蝦球-唔辣,味道似醋流黃魚
片皮鴨-OK,食過好幾間食肆的片皮鴨,味道不過不失,總之新鮮出爐即食就唔會差得去邊,不過拌食的麼麼就又乾又硬. 關於麼麼,令我有深印象的就是小南國,每塊麼麼都有一張牛油紙隔開,唔洗成PAT咁痴埋一舊,好細心,而且口感軟熟,讚! 以片皮鴨為賣點的食肆真係要效法下啦!
茶樹菇蒸魚塊-魚無魚味,好彩配菜調味搭夠.
蟲草花翡翠苗-爽口,清清地,唔錯.
韭王肉絲炒拉麵-太飽無食到,比友人打包.

素蒸餃-OK
椰汁凍糕-有點硬

大集團水準唔會太差,但亦無驚喜. 不過千零蚊有得食又比你任坐,伙記又唔會黑面,都值啦!