生日飯@Running燒

因為朋友好忙,所以依餐飯由11月延到12月,我地都鍾意食肉,所以韓燒到合心意. 
朋友揀左 "RUNNING燒",每位$248任食兩個鐘. 款式好多,回本有大蝦,牛肋骨,帶子,扇貝,牛利,鯖魚,羊肉等. 食肉太油,可以點生菜藍包住D肉食,好正. 飲品全部罐裝汽水,夠哂衛生. 另仲有熟食如炸雞類,其實無咩留意,因為淨燒都大把野食. 叫左刀削湯麵同湯烏冬,貪佢熱熱地又有湯,無齋食燒物咁乾. 烏冬湯底好重胡椒味,正! 好鍾意食水冷麵,見到有,當然要叫返碗,可惜唔夠凍之餘,D湯比麵索哂,而且成碗乜味都無,唔想浪費的我,都要破例一次.
好飽,無食甜品,朋友叫左類似芒果沙冰,佢話幾好食喎.
朋友數月前已經食過,佢話當時有羊架,但今次已經無得叫,感覺縮水了. 不過連平日晚市都爆哂,咁旺場,正明係好野.
所以已經計劃定幾時帶老公同仔來食......