深圳福田晚飯

清湯羊肋條,好正!

片皮鴨

小炒

小吃

在大商場外的巨型機械人

打燈後會轉色的

星期六收工後同老公趕上深圳,去銀行辦事,好少接觸內地銀行,所以叫埋細嬸陪,細嬸話內地銀行無香港咁煩,佢話香港銀行樣樣都要執到正來做,無大陸咁方便喎!其實我覺得係香港比較注重個人私穩.
以為好快攪掂,點知銀行職員話因為星期六下晝銀行人手少,所以一定要用櫃員機續個STEP做,但當時櫃位係無客人的,即係按本子辦事啦!部櫃員機唔知係咪要配合國內人的做事作風,又慢又鈍. 其實只係取消舊戶口,開立新戶口,存錢三樣野,香港銀行十五分鐘內一定做完的事,在深圳銀行要花兩個幾鐘先做到,激氣!
結果餓到下午四點幾先開餐,叔仔本來話唔好食咁飽,因為晚餐要早D食,就我地早D返香港. 但當時實在太餓,就叫左個西式麵餐,不過間餐廳真係大件夾抵食,無論多士,炒蛋同碗麵都係香港的DOUBLE,食到好鬼飽.
夜晚叔仔車左我地去福田區一間大型商場,地舖全部係高級食肆,而且黃昏六點幾已經好多人,多數都係一家大細的內地人,覺得佢地的消費力真係好強!
叔仔帶我地去左一間食北京菜,本來飽飽地,不過樣樣都色香味俱全,飽飽地都清哂,好正! 裝修,環境同食味都好得,收費就唔知貴唔貴囉!