生日飯@莆田

在鑽石山莆田食閩菜,訂位七點半,去到唔夠五成人,所以坐好耐都唔洗比人吹埋單,正!
食物種類較新穎,可能自己少接觸褔建菜,但碟頭好細,好彩今晚個個都細食,唔係就要打孖叫.

四人晚餐 (埋單 $4XX)
鹵水花生眉豆(莆田前菜)-好淋好好味

九轉小腸-好淋好好食,可惜太少

酥炸芋頭鴨件-好味

蜜脆牡蠣-炸蠔仔撈糖漿,炸物應該係熱騰騰的,但入口只係微暖,過左一陣仲好"魚星"tim,唔掂!

XX炆豆腐-唔記得叫咩名,淨係記得好好食,D豆腐好熱,好滑,隔左十幾分鐘仲KEEP到好熱,讚!

興化炒米粉-仲細碟過大乜樂早餐炒米粉,所以叫左兩碟,炒米粉竟然係暖口,仲衰過炸蠔仔

菜包飯-原來係用椰菜加蝦米做的有味飯,好好味,好夠熱,又要比個讚!

沙田柚-多汁得來甜中帶微酸,好食. 但點解一個沙田柚要68蚊,侍應話貴在唔知乜乜特產,我覺得貴在工錢,因為要原個搣開,去衣後依然保持一"啟啟"的,少D功力都做唔到.

食後感:
碟頭細,反而可以叫多幾樣,每樣食少少都夠飽.
食味其實唔錯,尤其自家制辣醬,酸酸辣辣好醒胃.
食物溫度可以影響好大,應凍唔凍,應熱唔熱,扣分!