生日飯@聯和墟大蕃薯

我知道咸豬手係咸,但唔應該咸到苦囉!

豬鞍未切已見到有血水,大廚要炒魷啦!

紅酒炆羊膝,都叫做有個似樣D

好彩返到屋企有阿仔送的生日蛋糕,開心返哂!

 住左聯和墟廿幾年,印象中幫襯過四次晚餐,一次下午茶同一次早餐,另外仲買過幾次CAKE (蕃薯批,蘋果批,芝士凍餅等). 但食埋今次,我好肯定唔會再幫襯!
其實一向都知依間餐廳好小家,過百蚊一個晚餐連餐飲都無,所謂自家制蒜蓉包得薄薄一片,配上茶餐廳式餐湯. 以前試過叫另一款餐連餐湯麵包都無,同散叫無分別,何謂餐?
小家就算左,但唔好食又貴先令人激氣!

芥蜜脆皮原隻咸豬手 $138
硬!乾!咸到苦! 薯菜凍.......
芥蜜醬好味!

燒焗黑豚扒配南瓜蘋果醬 $168
一等再等終於出餐,睇落唔錯,再望真D,豬扒未切開,表面滲出血水,好明顯係唔熟,我都知過熟會"鞋",所以要考大廚功架囉. 一切開,裡面係水汪汪的桃紅色(勁似生瘦肉),並唔係剛熟的粉紅色,叫廚房再煮過,但已"鞋"口了.
薯菜當然又係凍的,我唔覺得出餐前將薯菜加熱有幾難.
要讚下南瓜蘋果醬,好味!

紅酒燴羊膝配雜菌菜飯 $148
終於有個叫似樣D

食後感:
邊食邊叫自己唔好激氣,生日飯應該開開心心. 食完老公問我飲咩同叫咩甜品,我話令願去七仔買或者返屋企沖咖啡好過,我好想快快食完就走人. 茶餐廳格局高級餐廳消費,仲要收加一,埋單五百大洋,絕對唔值.