牛肝菌意大利飯

每次煮意大利飯都係用雙羊百搭米,因為平靚正.

材料:
雙羊百搭米 2杯-不用洗
洋蔥 1個-切粒
乾牛肝菌-先用水沖洗,再以溫水浸一個鐘,切粒
浸牛肝菌水 2杯
白酒 半杯
鹽 適量
黑胡椒
新鮮蘿勒 適量
芝士 適量
鮮牛油 適量


做法:
熱鍋下油,細火炒香洋蔥至半透明.
下牛肝菌炒一陣,再下白米炒香,灒白酒,炒至乾身.
下水份,鹽及黑胡椒拌勻,加蓋細火煮十分鐘,熄火焗十分鐘.
放入芝士及牛油拌勻,加蓋焗五分鐘,用餘溫將芝士及牛油焗溶,最後加入蘿勒即可.