2014年聖誕大餐

鮮茄蟹柳菜沙律

四款巴馬火腿配哈蜜瓜

兩款芝士配西班牙黑毛豬午餐肉



鵝肝醬小法包




沙樂美腸小法包



薯仔沙律

煙三文魚伴水牛芝士



煙三文魚伴青瓜



奧華利煙燻火雞

清酒煮法國活藍青口

黑松露醬煎帶子配四式芝士燴飯

鮮茄肉丸

吉列炸蠔

聖誕麵包STOLLEN

鮮忌廉泡芙





香檳及餐酒



老公收到的厚禮

我收到的厚禮

今年聖誕輪到我做主場,事前老公怕我辛苦,打算叫"到會". 睇過幾間"到會",覺得好貴,簡單一個炒飯或者沙律,己經二百幾三百. 的起心肝自己動手,雖然埋單都要二千幾 (未計酒水),但款款都落足重本,同"到會"果到"行貨"真係無得比. 不過我一向有個通病,就係一到宴客總會失手,今次都唔例外. 已造過多次的麵包STOLLEN,今次個包竟然過硬,可能係天氣太凍,發酵唔夠所至. 一個人做十幾款食物,有失手都可理解,所以我已經原諒左自己了. 食剩左兩個STOLLEN,隔左幾日叮翻熱來食,又變返軟熟,可能真係氣溫影響左個包.

聖誕十人大餐:

車厘茄蟹柳菜沙律
基本上將所有材料洗乾淨,瀝乾就攪掂,快!靚!正!

四款巴馬火腿配哈蜜瓜
將佢放得靚靚地就攪掂.

兩款芝士配西班牙黑毛豬午餐肉
切!切!切!

鵝肝醬小法包
自家制麵包需時

沙樂美腸小法包
自家制麵包最花時間

薯仔沙律
食譜參照"LIVELY",材料只有青瓜,洋蔥,甘荀,薯仔及雞蛋,但每樣材料都要唔同處理,比較花時間,下次唔會再整.

煙三文魚伴蕃茄水牛芝士
現成貨

煙三文魚伴溫室青瓜
現成貨

奧華利煙燻火雞
現成貨,只要跟足指示解凍就食得,好好食.

清酒煮法國活藍青口
十分鐘就攪掂

黑松露醬煎帶子配四式芝士燴飯
依個比較花時間

鮮茄IKEA肉丸
紅醬係自家制,用左兩斤蕃茄,一棵西芹,兩個大洋蔥,蒜頭,茄膏同蘿勒,淨係切野都切到手軟,蕃茄又要去皮,好花時間.

吉列炸蠔
現成貨,在表面抹上少少油,再用氣炸鍋炸,但覺得效果未如理想.

炸芝士年糕 (浪費了)
現成貨,五十幾蚊一盒,都係先抹油再用氣炸鍋處理,不過同出面食係兩回事,我覺得直頭係另一樣野,炸完好似一底雞蛋仔咁,痴實成個網,唔見得人,所以放棄左.

失敗了的炸芝士年糕

鮮忌廉泡芙
現成貨,解凍後食得

聖誕麵包STOLLEN
中種,因為天氣太凍,發酵未如想理,麵包有D硬.

賣相不錯啊!

中華沙律
現成貨,無影相

總括來說,其實大多數食物需時不多,但加起來十幾樣都會花時間的,而且只得一雙手,講真係好"支力",不過當放到成台都係食物時,又覺得好滿足.

冷盤

小插曲
話說幾日搵左幾間超市都無哈密瓜賣,唯有幫襯生果檔,七十蚊一個小小哈蜜瓜,仲標榜係日本溫室哈密瓜. 哈!咪玩啦!日本溫室點會咁平,你求其話韓國貨算吧啦!仲話又爽又甜,夠熟可以即開即食. 返到屋企即刻開來睇下,平時我通常會食先開,但晚上宴客,驚無瓜配火腿. 打開後皮厚,但瓜肉開始變深色,即係熟到爛. 即時叫老公去理論,最初檔主唔肯換,仲講換過另一個都唔擔保係好的,當然亦無打算退錢啦! 老公話十幾廿蚊我可以當跌左,但你收得我七十蚊,無理由咁不負責任. 後來另一個相信係伙記,佢都幫口話過唔到自己,最終檔主先肯換. 不過我一早已經叫老公,就算結果係點,都要去另一檔買過,而且我叫佢買開左邊果D. 我一向唔鍾意買開邊,因為唔知佢開左幾耐,今次破例,因為好驚又買到個唔靚. 換返來個瓜到今日都未開,因為按底部仲係好實,但今朝我發現頂部開始爛.............

日本溫室哈蜜瓜喎!!!



明顯未熟,但另一邊肉已開始熟到爛.